កំពង់ឆ្នាំង៖ស្ត្រីវ័យចំណាស់ក្រីក្រម្នាក់បានព្យួរកស្លាប់និងចំពាមបង់បាញ់ក្រោមផ្ទះ បន្ទាប់ ពីរូបគាត់ចេញពីផ្ទះចុះមកបត់ជើងនិងបានបាក់បង្កាន់ដៃស្ពានធ្លាក់ពីលើផ្ទះចុះមកដីកំពស់ ជិត៥ម៉ែត្រព្យួរកនិងចំពាមបង់បាញ់។ករណីគ្រោះថ្នាក់ខាងលើនេះបានកើតឡើងនៅវេលា ម៉ោង៤និង៣០នាទីទៀបភ្លឺថ្ងៃទី០៤ ខែកក្កដា ឆ្នាំ២០១៤ ក្នុងភូមិកោះត្រឡាច សង្កាត់ផ្សារ ឆ្នាំង ក្រុងកំពង់ឆ្នាំង។
លោកពូសុន ជាប្រជាពលរដ្ឋក្នុងភូមិរស់នៅទល់មុខផ្ទះស្ត្រីរងគ្រោះបាននិយាយអោ យដឹងថា៖ស្ត្រីរងគ្រោះឈ្មោះ យឹម នី អាយុ៧៦ឆ្នាំ ជាស្ត្រីមេម៉ាយ រស់នៅក្នុងបន្ទុកកូនស្រី ម្នាក់ជាជនក្រីក្រ ក្នុងភូមិសង្កាត់កើតហេតុខាងលើ គាត់មានកូនចំនួន៤នាក់សុទ្ធតែជាជនក្រីក្រ និងពួកគេបានបែកមានគ្រួសារទៅរស់នៅឆ្ងាយៗអស់ទៅហើយ។
មុនពេលកើតហេតុស្ត្រីរងគ្រោះបានក្រោកចេញពីផ្ទះចុះដើរតាមស្ពានទៅបត់ជើងក្នុងបង្គន់ដែលសង់ដាច់ពីក្រោយផ្ទះ ខណៈដែលគាត់កំពុងដើរតោងបង្កាន់ដៃស្ពានៗ ក៏បា នបាក់រអិលជើងធ្លាក់មកក្រោមដែលមានកំពស់ប្រមាណ៥ម៉ែត្រ តែមិនបានធ្លា្កក់ដល់ដីទេ គឺគាត់បានកៀបកព្យួរនិងចំពាមបង់បាញ់ខ្វែងគ្នា ដូចគេចងកស្លាប់ភ្លាមៗតែម្តង។ 
ក្រោយពេលកើតហេតុអ្នករស់នៅជិតខាងនិងកូនចៅមិនបានដឹងថាគាត់ស្លាប់ទេក៏ បាននាំគ្នាដឹករូបគាត់តាមរ៉ឺម៉កម៉ូតូ ទៅកាន់មន្ទីរពេទ្យខេត្តដើម្បីអោយគ្រូពេទ្យខេត្តជួយសង្គ្រោះ ប៉ុន្តែពេលគ្រូពេទ្យពិនិត្យជីបចរនិងកែវភ្នែករបស់គាត់ គ្រូពេទ្យខេត្តបានប្រាប់ថា៖ ស្ត្រីរងគ្រោះបានស្លាប់បាត់ទៅហើយ។ 
សពស្ត្រីរងគ្រោះត្រូវបានអ្នកស្រុកក្នុងភូមិដឹកតាមរ៉ឺម៉កម៉ូតូយកមកកាន់លំនៅដ្ឋាន វិញ ដើម្បីរ៉ៃអង្គាសប្រាក់គ្នាធ្វើបុណ្យទៀនជូនគាត់ទៅតាមលទ្ធភាព និងប្រពៃណី។ អ្នក ស្រុកក្នុងភូមិបានសំណូមពរដល់អាជ្ញាធរមូលដ្ឋាន និងសាខាកាកបាទក្រហមក្រុង និងខេត្តកំពង់ឆ្នាំង មេត្តាជួយឧបត្ថម្ភថវិកានិងស្បៀងអាហារជូនក្រុមគ្រួសារស្ត្រីរងគ្រោះក្នុង ពិធីបុណ្យសពរបស់គាត់ផង ព្រោះក្រុមគ្រួសារគាត់មានជីវភាពក្រីក្រណាស់៕
