កំពង់ស្ពឺ=ផ្ទះដាក់ឥវ៉ាន់គ្រឿងដេរពូកឡាននិងម៉ូតូមួយកន្លែងត្រូវបានភ្លើងឆេះទាំងថ្ងៃត្រង់ខណះម្ចាស់បានប្រើប្រាស់ហ្កាសកំប៉ុងតូចដាំបាយហើយបានផ្ទុះចេញជាអណ្តាតភ្លើងឆាបរាលដាលដល់ពូកនិងស្បែកសម្រាប់កាត់កែបម៉ូតូនិងឡានឆាបឆេះសន្ធោសន្ធៅភ្ញាក់ផ្អើលប្រជាពលរដ្ឋ
អ្នកជិតខាងរាយការណ៏ទៅសមត្ថកិច្ចមកជួយអន្តរាគមន៏។ ករណីគ្រោះអគ្គីភយ័នេះបានកើតឡើងនៅវេលាម៉ោង១១និង១០នាទីថ្ងៃទី០៤ខែកក្កដាឆ្នាំ២០១៤នៅក្នុងភូមិសំណង់សង្កាត់រកាធំក្រុងច្បារមនខេត្តកំពង់ស្ពឺ។ ម្ចាស់ផ្ទះរងគ្រោះមានឈ្មោះកៅ.ផេង ភេទប្រុសអាយុ៣៦ឆ្នាំមានមុខរបរដេរពូក ម៉ូតូនិងពូកឡាននៅចំណុចកើតហេតុ។ 
តាមការរៀរាប់ពីម្ចាស់ផ្ទះប្រាប់សមត្ថកិច្ចថានៅវេលាខាងលើប្រពន្ធគាត់បានដាក់ដាំបាយសម្រាប់ទទួលទានថ្ងៃត្រង់តែជាអកុសលពេលកំពង់ដាំបាយក៏ស្រាប់តែកំប៉ុងហ្កាសធន់នោះបានផ្ទុះលាន់ក្តាំងបង្កជាអណ្តាតភ្លើងឆាបឆេះយ៉ាងសន្ធោសន្ធៅដែលបានរាលដាលដល់សម្ភរាះសម្រាប់ដេរពូកឡាននិងម៉ូតូរហូតមិនអាចពន្លត់ទើបគាត់បានហៅអ្នកជិតខាងឲ្យជួយ។ ប្រភពដដែលបានឲ្យដឹងទៀតថាផ្ទះដែលឆេះជារោងតពីផ្ទះធំដែលសាងសង់សម្រាប់ទុកដាក់សម្ភារះដូចជាពូកស្បែកកង់ឡានចាស់ៗសម្រាប់ទុជួសជុលឲ្យភ្ញៀវណាដែលមកធ្វើពេលនេះវាឆេះអស់ហើយតែជាសំណាងល្អក្រុមគ្រួសារគាត់មិនមានអ្នកណាម្នាក់រងរបួសឡើយ។ 
លោកអនុសេនីយ៏ឯក ធី.ឆៃ មេបញ្ជាការមូលដ្ឋានកងរាជអាវុធហត្ថក្រុងច្បារមន បានប្រាប់កម្ពុជាថ្មីពីកន្លែងកើតហេតុថាផ្ទះដែលរងការខូចខាតដោយអគ្គីភយ័មានទំហំ ៤X១០ម៉ែត្រការ៉េធ្វើពីឥដ្ឋប្រកសង្កសីជារបៀបរោងតពីផ្ទះធំនៅ ខាងក្រោយហើយមានទុកឥវ៉ាន់ជាច្រើនមានកង់ឡានចាស់ៗពូកស្បែកសម្រាប់ទុកដេរកែបម៉ូតូនិងឡាន។
ប្រភពបានបញ្ជាក់ថាការឆេះនេះគឺបណ្តាលមកការផ្ទុះកំប៉ុងហ្កាសដែលចម្អិនម្ហូបអាហារក្នុងផ្ទះតែសំណាងមនុស្សក្នុងផ្ទះមិនមាននណាម្នាក់ទទួលរងគ្រោះថ្នាក់ឡើយតែសម្ភារះបានខូចខាងស្ទើទាំងអស់។ នៅពេលមានអគ្គីភយ័នោះកើតឡើងគេបានឃើញឡានពន្លត់អគ្គីភយ័នៃស្នងការដ្ឋាននគបាលខេត្តកំពង់ស្ពឺបានចេញមកអន្តរាគមន៏ដោយបានប្រើប្រាស់ទឹកអស់ពីស៊ីទែនទើបអាចពន្លត់ការឆាបឆេះនោះបាន១០០%បើមិនដូច្នេះអគ្គីភយ័អាចនិងរាលដាលដល់ផ្ទះប្រជាពលរដ្ឋដទៃផងដែរ៕
