កំពង់ធំ៖ នៅព្រឹកថ្ងៃទី ០៥ ខែ កក្កដា ឆ្នាំ ២០១៤ ឯកឧត្តម ងួន រាសី នាយកខុទ្ទកាល័យ ឯកឧត្តមបណ្ឌិតអនុប្រធានទី១ រដ្ឋសភាតំណាងឲ្យឯកឧត្តម បណ្ឌិត ងួន ញ៉ិល អនុប្រធាន ទី១រដ្ឋសភា បាននាំយកទាន ព្រះវស្សាចំនួន ២គូរ ព្រមទាំងទ័យទានជាច្រើនមុខ ប្រគេនដល់ព្រះមេគណខេត្តកំពង់ធំ គង់នៅវត្តឥន្ទ្រីសំវរៈហៅវត្តកំពង់ធំ ព្រមទាំងគណៈប្រតិភូ លោកតា លោកយា ចូលរួមយ៉ាងអធឹកអធ័ម។
វិស័យព្រះពុទ្ធសាសនា សាសនាព្រះពុទ្ធគឺជាសាសនាដែលមានវ័យចំណាស់ជាងគេនៅលើពិភពលោក និងត្រូវបានមានកេរ្ត៍ឈ្មោះបោះសំលេង ល្បីរន្ទឺសុះសាយ បច្ចុប្បន្នរាជរដ្ឋាភិបាលនៃព្រះរាជាណាចក្រកម្ពុជា បានចាត់ទុកវិស័យព្រះពុទ្ធសាសនា ជាសាសនារបស់រដ្ឋ និងអនុវត្តន៍ប្រតិបត្តិដឹកនាំប្រទេសនាំយក ពុទ្ធចក្រ និងអាណាចក្រដើរទទឹមគ្នា ព្រមទាំងលើកស្ទួយកំរិតព្រះពុទ្ធសាសនា ឲ្យមានការចូលរួមថែរក្សាអភិរក្ស ដោយយល់ឃើញថា វត្តអារាមគឺជាមជ្ឈមណ្ឌល គឺជាទីប្រជុំមហាជននឹងជាកន្លែងកសាងខ្លួនឲ្យប្រព្រឹត្តនូវ អំពើល្អ ទាំងចិត្តទាំងកាយ ឲ្យពលរដ្ឋរស់នៅក្នុងភាពសុខសាន្ត ក្នុងសង្គមចិត្តធម៌។ 
ឯកឧត្តម ងួន រាសី នាយកខុទ្ទកាល័យ តំណាងឲ្យឯកឧត្តម បណ្ឌិត ងួន ញ៉ិល អនុប្រធាន ទី១រដ្ឋសភា បានប្រគេនទានព្រះវស្សាធំចំនួន ២គូរ ប្រគេនបច្ច័យព្រះមេគណសម្រាប់ចាត់ចែងក្នុងវស្សា ១០០០.០០០រៀល ប្រគេនត្រៃតូច១កញ្ចប់និងបច្ច័យបួន៣០០.០០០រៀល ព្រះសង្ឃចំនួន៧អង្គក្នុង១អង្គ៥០០.០០រៀលធូបនិងទាន អង្ករ២០០គីឡូក្រាម មី៣កេស ទីត្រី៣ឡូ ទឹកស៊ីអ៊ីចំនួន ៣ឡូ ទឹកសុទ្ធ៤កេស ស្កស៥គ.ក កាហ្វេ ២គ.ក ទឹកដោះគោ ១០កំប៉ុង តែចំនួន ១គ.ក ឆៃប៉ូវ ២គ.ក ទឹកក្រូច៦ដបធំ ជូនលោកតាអាចារ្យ ១នាក់ ៣ម៉ឺនរៀល លោកតា លោកយាយ ៤០នាក់ ក្នុងម្នាក់ ក្រណាត់សមួយដុំ និងប្រាក់ ១ម៉ឺនរៀល ។
នៃឳកាសនោះ ឯកឧត្តម ងួន រាសី តំណាងឯកឧត្តម ងួន ញ៉ិល ព្រមទាំងគណៈប្រតិភូ បានអញ្ជើញទស្សនា សមិទ្ធផលនានាក្នុងវត្តឥន្ទ្រីសំវរៈ ហៅវត្តកំពង់ដែល ព្រះសត្ថាបារមី សៀង សុខ ព្រះមេគណខេត្តកំពងធំ និងជាព្រះមន្នីរង្សីព្រះរាជាគណៈថ្នាក់កត្តិយស់ នៃព្រះរាជាណាចក្រកម្ពុជា និងជាព្រះគ្រូចៅអធិការវត្ត ឥន្ទ្រីយ៍សំវរៈ បានកសាងសមិទ្ធផលជាច្រើននៅក្នុងវត្ត ព្រមទាំងបានកោតសរសើរយ៉ាងខ្លាំងចំពោះស្នាដៃដ៏ធំធេងនេះ។ ដោយ ប៊ុន រដ្ឋា 
