សៀមរាប: ដោយអនុវត្តតាមការយកចិត្តទុកដាក់របស់លោក ពៅ ជុំ នាយកដែនជំរកសត្វព្រៃបឹងពែរសៀមរាបឲ្យមន្ត្រីក្នុងដែនទាំង៤ស្នាក់ការចុះល្បាតទប់ស្កាត់នឹងបង្ក្រាបបទល្មើសព្រៃឈើក្នុងព្រៃសហគមន៏ភ្នំបាឡាំងស្ថិតក្នុងភូមិសាស្ត្រឃុំខ្វាវ ស្រុកជីក្រែង ខេត្តសៀមរាប ។ជាក់ស្តែងនៅ
ថ្ងៃទី០៤ ខែកក្កដាឆ្នាំ២០១៤កន្លងទៅមន្ត្រីបរិស្ថានុរក្សដែនជំរកសត្វព្រៃបឹងពែរទាំង៤ស្នាក់ការសហការណ៏គ្នាចុះល្បាតនិងបានធ្វើការបង្ក្រាបបទល្មើសព្រៃឈើក្នុងព្រៃសហគមន៏ភ្នំបាឡាំងឃុំខ្វាវ ស្រុកជីក្រែងចាប់បានម៉ាស៊ីនត្រង់ស៊ីន័រចំនួន២គ្រឿង ។ ក្រោយពីប្រមូលបានវត្ថុតាងទាំងអស់មន្ត្រីបរិស្ថានុរក្សដែនជំរកសត្វព្រៃបឹងពែរបានធ្វើកំណត់ហេតុដកហូតនឹងធ្វើកិច្ចសន្យាឲ្យជនល្មើសផ្តិត មេដាយ ប្រគល់វត្ថុតាង នឹង ផ្តិតមេដាយលើកិច្ចសន្យាឈប់ប្រព្រឹត្តបទល្មើសកាត់បំផ្លាញព្រៃឈើបន្តទៀត ។
លោក ហូត ទោ មន្ត្រីបរិស្ថានុរក្សប្រចាំស្នាក់ការខ្វាវបានឲ្យអ្នកយកព័ត៌មានយើងដឹងថា៖ វត្ថុជាម៉ាស៊ីនត្រង់ស៊ីន័រទាំង២គ្រឿងព្រមទាំងសំភារះបំរើឲ្យបទល្មើសដែលសមត្ថកិច្ចយើងធ្វើការបង្ក្រាបបាននេះ ក្រុមការងាររបស់លោកយកមករក្សាទុកនៅស្នាក់ការខ្វាវដើម្បីចំណាត់ការទៅតាមនិតិវិធីជាបន្ត ៕ រូបភាព និង អត្ថបទ លោក ព្រំ សុខា
