សៀមរាប៖បងប្អូនប្រជាពលរដ្ឋដែលរស់នៅក្នុងសង្កាត់ស្លក្រាមក្រុងសៀមរាបកាលពីព្រឹកថ្ងៃទី០៥ខែកក្តដាឆ្នាំ២០១៣៤នេះ បានចូលរួមក្នុងពិធីបើកវេទិកាសាធារណៈស្តីពីការអនុវត្តគោលនយោបាយភូមិឃុំមានសុវត្ថិភាពដែលបានរៀបចំធ្វើឡើងនៅក្នុងបរិវេណវត្តព្រះឥន្ទកោសា
ស្ថិតនៅក្នុង សង្កាត់ស្លក្រាម ក្រុងសៀមរាប។ក្រោមអធិបតីភាព លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប លោក ស៊ូ ប្លាតុង អភិបាលស្តីក្រុងសៀមរាបដោយនៅក្នុងពិធីនោះក៏មានការអញ្ជើញចូលរួមពីសំណាក់ អស់លោក លោកស្រី ជានគរបាលជំនាញដែលពាក់ព័ន្ឋក្នុងការ អនុវត្តគោលនយោបាយភូមិឃុំមានសុវត្ថិភាព និងតំណាងមន្ទីរអង្គភាពស្ថាប័នពាក់ព័ន្ធមួយចំនួនទៀតនិងអាជា្ញធរមូលដ្ឋាន ជាច្រើនបានចូលរួមផងដែរ។
បន្ទាប់ពីលោក ស៊ូ ប្លាតុង អភិបាលស្តីក្រុងសៀមរាប ឡើងអានរបាយការណ៍ស្តីពីការអនុវត្តគោលនយោបាយភូមិឃុំមានសុវត្ថិភាពដែលបានអនុវត្តកន្លងមកនៅក្នុងសង្កាត់និមួយៗដោយទទួលបាននូវលិទ្ធផលល្អ ក៏ដូចជា លោក វរសេនីយ៍ទោ ទិត្យ ណារ៉ុង អធិការនគរបាលក្រុងសៀមរាបឡើងធ្វើការផ្សព្វផ្សាយនិងធ្វើការបកស្រាយបន្ថែមទាក់ទងទៅនិងលក្ខណះសម្បត្តិទាំង៩យ៉ាងរបស់ភូមិឃុំមានសុវត្ថិភាពជូនដល់បងប្អូនប្រជាពលរដ្ឋ រួចមក ។
សមាសភាពវាគ្មិនជំនាញទាំងអស់ក៏បានឡើងធ្វើការផ្សព្វផ្សាយនិងធ្វើការបកស្រាយគ្រប់រូបភាពបន្ថែមទៀតនិងបានធ្វើការបកស្រាយនូវរាល់ចម្ងល់ក៏ដូចជាសំណួររបស់បងប្អូនក្នុងអង្គពិធី ទៅតាមជំនាញនិមួយៗប្រកបដោយភាពយល់ស៊ីជំរៅ ។ មានប្រសាសន៍សំណេះសំណាលនិងធ្វើការផ្តាំផ្ញើរក្នុងពិធីបើកវេទិកាសាធារណៈស្តីពីការអនុវត្តគោលនយោបាយភូមិឃុំមានសុវត្ថិភាព នាឱកាសនោះលោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប បានបញ្ជាក់ថាពិធីបើកវេទិកាសាធារណៈស្តីពីការអនុវត្តគោលនយោបាយភូមិឃុំមានសុវត្ថិភាពនេះសមត្ថកិច្ចជំនាញតែងតែបានរៀបចំធ្វើឡើងជាប្រចាំគឺក្នុងគោលបំណងដើម្បីឲ្យបងប្អូនទាំងអស់ត្រូវធ្វើយ៉ាងណា រួមគ្នាពិភាក្សារកគន្លឹះល្អៗ
យកទៅអនុវត្តបន្តក្នុងការបង្ការទប់ស្កាត់និងធ្វើការបង្ក្រាបបទល្មើសគ្រប់ប្រភេទអោយអស់ពីភូមិឃុំរបស់យើង។ពិសេស គឺសូមអោយបងប្អូនបន្តចូលរួមសហការណ៍គ្នាបន្តទៀតជាមួយសមត្ថកិច្ចនិងអាជ្ងាធរមាន សមត្ថកិច្ច គ្រប់លំដាប់ថ្នាក់ក្នុងការផ្តលព៌តមានជូនដល់សមត្ថកិច្ចជំនាញបន្តជំរុញលើចលនា ប្រជាការពារភូមិឃុំ ក៏ដូចជាសូមឲ្យបងប្អូនដែលមានមុខនៅទីនេះបន្តផ្សព្វផ្សាយគោល នយោបាយភូមិឃុំ មានសុវត្ថិភាពជូនដល់បងប្អូនប្រជាពលរដ្ឋ ផ្សេងទៀត ដែលមិនទាន់ បាន យល់ជ្រាបច្បាស់អោយពួកគាត់បានយល់ស៊ីជំរៅនិងគ្រប់រូបភាពសំដៅរួមបាននូវការកាត់បន្ថយបទល្មើស គ្រប់ ប្រភេទ រក្សាបាននូវសន្តិសុខសុវត្ថិភាពនិងសណ្តាប់ធ្នាប់សាធារណះអោយ បានកាន់តែល្អប្រសើរថ្វេរឡើង។ស្របពេលដែលប្រទេសជាតិរបស់យើងកំពុងតែមានភាពរីកចំរើនលើគ្រប់វិស័យដោយឥតឈប់ឈរក្រោមមាគាដឹកនាំប្រទេសប្រកបដោយគិតិបណ្ឌិតដ៏ខ្ពង់ខ្ពស់ពីសំណាក់សម្តេច អគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
ដោយឡែកនៅក្នុងអង្គពិធីនាឱកាសនោះដែរគណ:អធិបតីក៏បានធ្វើការប្រគល់ជូននៅអត្តសញ្ញាណប័ណ្ណសញ្ជាតិខ្មែរជូនដល់បងប្អូនប្រជាពលរដ្ឋចំនួន៤០០នាក់ដោយគណ:អធិបតីទាំងអស់ក៏បានធ្វើការផ្តាំផ្ញើរដល់បងប្អូនទាំងអស់បន្ទាប់ពីទទួលបាននៅអត្តសញ្ញាណប័ណ្ណនេះហើយត្រូវយកទៅប្រើប្រាស់ឲ្យបានល្អកុំឲ្យមានការខូចខាតឫក៏បាត់បង់ព្រោះអត្តសញ្ញាណប័ណ្ណនេះវាមានតំម្លៃណាស់សម្រាប់បងប្អូនយកទៅប្រើការក្នុងករណីចាំបាច់ផងដែរ។ បន្តមកលោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបក៏បានប្រគេនបច័យដល់ព្រះចៅអធិការវត្តព្រះឥន្ទកោសាចំនួន២០០ដុល្លាអាមេរិកដើម្បីទុកសម្រាប់យកទៅប្រើប្រាស់នៅក្នុងការសាងសង់សមិទ្ធផលតាមតំរូវការនៅក្នុងផងដែរ ៕ រូបភាព និង អត្ថបទ លោកព្រិន្ទបាលទោ ខេង ខេមរា 
