កម្លាំងអាវុធហត្ថស្រុកកំរៀង បានឃាត់ខ្លួនបុរសម្នាក់ជាមេខ្យល់នាំពលករខ្មែរចេញ ទៅប្រទេស ថៃខុសច្បាប់ និងអ្នករត់ម៉ូតូកង់បីម្នាក់ ព្រមទាំងរំដោះពលករខ្មែរចំនួន១៧នាក់អប់រំ ឲ្យត្រឡប់ទៅ ស្រុក កំណើតវិញ។ ហេតុការណ៏ឃាត់ខ្លួនមេខ្យល់នាំមនុស្សឆ្លងដែនទៅថៃខុសច្បាប់នេះ បានធ្វើឡើង នៅលើកំណាត់ផ្លូវជាតិលេខ៥៧B
ស្ថិតក្នុងភូមិថ្មីឃុំអូរដាស្រុកកំរៀងខេត្តបាត់ដំបង។ លោកមុយ សាលិត មេបញ្ជាការអាវុធហត្ថស្រុកកំរៀងបានឲ្យដឹងថា បុរសម្នាក់ជាមេខ្យល់នាំ មនុស្ស ចេញទៅថៃដោយខុសច្បាប់ដែលឃាត់ខ្លួនឈ្មោះណូ ធនអាយុ៣៣ឆ្នាំមុខរបរជាកម្មកររស់នៅឍ ភូមិស្រឡៅទងឃុំកំរៀងស្រុកកំរៀងខេត្តបាត់ដំបង។និងអ្នករត់ម៉ូតូកង់បីម្នាក់ឈ្មោះគឹម សារ៉ាត់ អាយុ ៤២ឆ្នាំរស់នៅភូមិសាំងរាំងឃុំបវេលស្រុកបវេលខេត្តបាត់ដំបង។ ចំណែកពលករខ្មែរដែលអាវុធហត្ថស្រុកកំរៀងឃាត់អប់រំចនួន១៧នាក់(ក្នុងនោះស្រី៧នាក់ អនិតិ ជន២នាក់)មកពីខេត្តព្រៃវែងខេត្តត្បូងឃ្មុំខេត្តបន្ទាយមានជ័យនិងខេត្តបាត់ដំបង។
លោកបានបញ្ជាក់ថាពលករខ្មែរទាំង១៧នាក់ ក្រោយពីធ្វើការអប់រំដើម្បីឲ្យយល់ពីការចាញ់បោកមេខ្យល់ នាំចេញទៅថៃខុស ច្បាប់ ហើយ ត្រូវទៅធ្វើលិខិតស្នាមត្រឹមត្រូវស្របច្បាប់នៅតាមស្រុកភូមិខេត្តរបស់បងប្អូនវិញ ឬទៅតាមក្រុមហ៊ុន នាំចេញទៅធ្វើការគេនិងបំពេញលិខិតស្នាមស្របច្បាប់ក្នុងតម្លៃថោកទើបបងប្អូនមានសុវត្ថភាពរស់នៅក្នុងប្រទេសគេហើយបានឲ្យវិលត្រឡប់ទៅស្រុកកំណើតវិញផងដែរ។
ក្រុមពលករខ្មែរចំនួន៤នាក់បានប្រាប់អាវុធហត្ថថាកាលពីថ្ងៃទី៣០ខែមិថុនាពួកគាត់បានប្រគល់ប្រាក់ចំនួន៣០០០បាតឲ្យទៅកូនរបស់មេខ្យល់ដើម្បីយកទៅធ្វើលិខិតឆ្លងដែនឬធ្វើប័ត្រ ប៉ុន្តែ កន្លែងដែល ធ្វើប័ត្របានផ្អាកឈប់។លុះថ្ងៃទី២ខែកក្កដាកូនមេខ្យល់បាននាំពួកគាត់មានគ្នា៩ នាក់ ជិះឡានកាមរី មួយគ្រឿងមកដល់ស្រុកកំរៀង។ពេលមកដល់កំរៀងត្រង់ចំណតបេនឡានកូនមេខ្យល់បានប្រាប់ឲ្យអង្គុយចាំគេមកយកឆ្លងដែនទៅថៃ។
ក្រោយមកឃើញបុរសម្នាក់ឈ្មោះណូ ធនមកហៅពួកគាត់ ទៅជិះម៉ូតូកង បីមួយគ្រឿងដែលមានមនុស្សជិះស្រាប់ចំនួន៨នាក់សរុបទាំងអស់គ្នាចំនួន១៩ នាក់ ទាំងមេខ្យល់ បើក ឆ្ពោះទៅច្រករបៀងស្ថិតក្នុងភូមិដូងឃុំបឹងរាំងស្រុកកំរៀង។ពេលកំពុងជិះទៅដល់ចំណុចភូមិថ្មីឃុំអូរដាស្រុកកំរៀង ស្រាប់តែឃើញកម្លាំងអាវុធហត្ថស្រុកកំរៀងឃាត់ខ្លួនទាំងអស់គ្នាតែម្ដង។
ឈ្មោះណូ ធនជាមេខ្យល់នាំពលករខ្មែរចេញដោយខុសច្បាប់បានសារភាពថារួបគេធ្លាប់នាំពល ករ ខ្មែរឆ្លងដែនចេញទៅថៃខុសច្បាប់ប្រហែល២០លើកមកហើយ។នៅថ្ងៃទី២ខែកក្កដានោះគឺរួបគេពិតជាបាននាំពលករខ្មែរចំនួន១៧នាក់បម្រុងចេញទៅថៃតាមច្រកឡែម(ច្រកដូង)ហើយប្រគល់ឲ្យមេខ្យល់ចាំទទួលនៅក្នុងទឹកដីថៃដោយជួលម៉ូតូកង់បីមួយគ្រឿងដឹកពលករខ្មែរប្រាកដមែន។ 
លោកឡាច ប្រុសនាយការិយាល័យអាវុធហត្ថខេត្តបាត់ដំបងបានឲ្យដឹងថាមេខ្យល់ឈ្មោះណូ ធន កម្លាំងបានកសាងសំណុំរឿងបញ្ជួនទៅតុលាការហើយ។ ចំណែកឈ្មោះគឹម សារ៉ាត់ជាអ្នករត់ម៉ូតូកង់ បីគឺ កម្លាំងបានស្រាវជ្រាវសាកសួរគ្មានពាក់ពាន់បន្ទុកក្នុងបទល្មើសទេ ប៉ុន្តែត្រូវបញ្ជួនទៅដែរការសម្រេចយ៉ាង ណាគឺជាសមត្ថកិច្ចរបស់លោកព្រះរាជអាជ្ញាទេ ៕
