ប្រជាពលរដ្ឋដែលត្រូវក្រុមហ៊ុនលោក នៅ សារី ឆបោកទិញមើមដំឡូងមីជំពាក់ប្រាក់ មិនដែលសងបានទ្រហោយំសំរក់ទឹកភ្នែក នៅចំពោះមុខព្រះរាជអាជ្ញាលោក យូរ ទិត្យវឌ្ឍនៈ និងព្រះរាជអាជ្ញារង ទាំងបីនៃតុលាការ ខេត្តកំពង់ឆ្នាំង ដោយសាតែបរាជ័យក្នុងការអនុវត្តដីការសម្រេច
រឹបអូសដំឡូងមី ដែលពួកគាត់បានអោយឈ្មួញឈ្មោះ នៅ សារី ដើម្បីយកលក់ឡាយឡុង ។ កម្លាំងចម្រុះដឹកនាំដោយព្រះរាជអាជ្ញា និងព្រះរាជអាជ្ញារង អមសាលាដំបូង ខេត្តកំពង់ឆ្នាំង ក្នុងតួនាទីទទួលបន្ទុកជាអាជ្ញាសាលា របស់សាលាដំបូង បានចុះអនុវត្តដីកាសម្រេចនេះ ដើម្បីយកដំឡូងមីក្រុមហ៊ុនរបស់លោក នៅសារី ដើម្បីលក់ឡាយឡុង យកប្រាក់សងជូនពួកគាត់វិញ ប៉ុន្តែករណីនេះ ត្រូវបានបរាជ័យទៅវិញ ខណៈមានភាគីទី៣មកប្ដឹងជំទាស់ ដោយអះអាងថាឈ្មោះ នៅ សារី បានលក់ដំឡូងមីខ្លួន កាលពីដប់ថ្ងៃមុន ។
ភាគីទី៣ មិនត្រូវបានគេស្គាល់ឡើយ តែខណៈពេលដែលចុះអនុវត្តនោះ គេបានឃើញប្រពន្ធលោក នៅ សារី ឈ្មោះ ស្លេសអាស៊ីម៉ាស អមទៅដោយមេធាវី នៅទីតាំងឃ្លាំងស្តុបដំឡូងមី ប្រលានយន្តហោះ ខេត្តកំពង់ឆ្នាំង ហើយមិនបានធ្វើប្រាប់អ្នកកាសែតឡើយ ជំវិញករណីនេះ ។ លោកព្រះរាជអាជ្ញា បានអះអាងថា គឺគ្រានតែផ្អាកបណ្ដោះអាសន្នតែប៉ុណ្ណោះ តែលោកនិងខិតខំរកនិតិវិធីថ្មី ដើម្បីរកយុតិធម៌ជូនជនរងគ្រោះ ដែលជាប្រជាកសិករម្ចាស់ចំការដំឡូងមី មកពីបណ្ដាខេត្តនានាបន្តទៀត។ 
ប្រភពពត៌មានក្រៅផ្លូវការផ្សេងទៀត បានអោយដឹងថា តុលាការបរាជ័យក្នុងការអនុវត្តសាលដីកានេះ ដោយសារតែមានអន្តរាគមន៍ ពីអគ្គព្រះរាជអាជ្ញា អោយបញ្ឈប់ទើប ប្រជាពលរដ្ឋ ស្រែកទ្រហោយំតែម្តង ។ នៅក្នុងការចាត់ការលើសំណុំរឿងឆបោក ថ្លៃដំឡូងមីថ្ងៃនេះផងដែរ គេបានសង្កេតឃើញប្រពន្ធលោក នៅ សារី មានទឹកមុខធ្វើហាក់បីជាមិនមានរឿងអ្វីកើតឡើងទាល់តែសោះ ខណៈម្ចាស់ចំការដំឡូងមី ប្រមាណជាង២០នាក់ មកពីបណ្ដាខេត្តនានា ស្រែកទ្រហោយំចំពោះមុខ ។ នៅរសៀលថ្ងៃទី៤នោះ គេបានសង្កេតឃើញឯកឧត្តមអភិបាលខេត្ត និងកាកបាតក្រហមខេត្ត កំពង់ឆ្នាំង បានយកចិត្តទុក្ខដាក់ និងនាំយកថវិការចំនួន ចែកជូនប្រជាពលរដ្ឋរងគ្រោះ ចំនួន២៧នាក់ ក្នុងម្នាកៗ ទទួលបានថវិកា៣ម៉ឺនរៀល ៕
