បន្ទាយមានជ័យ៖ ក្រុមការងារយុវជនពុទ្ធសាសនិកជាង៣០០នាក់នៅទីក្រុងប៉ោយប៉ែតខេត្តបន្ទាយមានជ័យបានប្រារព្វធើ្វរុក្ខទិវាដាំកូនឈើប្រភេទបេងនិងក្រញ៉ូងជាង៣០០ដើមកាលពីព្រឹកថ្ងៃទី០៦ខែកក្កដាឆ្នាំ២០១៤នៅក្នុងបរិវេណវត្តសុវណ្ណរុក្ខារាម(ព្រៃគប់)ដែលជាប់និងព្រំដែនកម្ពុជាថៃ ។
លោក ទិត្យ សុភាព តំណាងក្រុមយុវជនខាងលើបានប្រាប់ពីគោលបំណងរបស់ខ្លួនថា៖ សកម្មភាពនេះគឺបានរួមចំណែកជាមួយរាជរដ្ឋាភិបាលថ្ងៃប្រារព្វរុក្ខទិវាដ៏មានសារៈសំខាន់នេះលោកថា៖សម្រាប់យុវជនរបស់លោកបានរួមចំណែកដាំដុះកូនឈើឡើងវិញជារៀងរាល់ឆ្នាំ។ លោកបានលើកឡើងទាក់ទិននិងបញ្ហាព្រៃនៅប្រទេសកម្ពុជាយើងនាពេលសព្វថ្ងៃនេះថា៖ព្រៃឈើនៅតំបន់ខ្លះបានជួបគ្រោះមហន្តរាយស្ទើផុតជូពអស់ហើយដូច្នេះក្នុងនាមលោកអ្នកតំណាងឲ្យក្រុមការងារយុវជនពុទ្ធសាសនិក ក្រុងប៉ោយប៉ែតបានបំផុសទឹកចិត្តយុវជនខ្មែរជាពិសេសសិស្សា នុសិស្សឲ្យចេះស្រលាញ់ធម្មជាតិព្រៃឈើនិងនាំគ្នាដាំវាឡើងវិញ ។ 
សូមបញ្ជាក់ផងដែរថា៖កូនឈើដែលក្រុមយវជនបានដាំនៅវត្តតាមបន្ទាត់ព្រំដែនខ្មែរថៃនោះមានដូចជា៖ប្រភេទកូនបេង គគីនិងកូនក្រញ៉ូងហើយកំឡុងពេល០៤ឆ្នាំនេះក្រុមយុវជនបានដាំដុះកូនឈើនៅលើទឹកដីខេត្តបន្ទាយមានជ័យ នេះបានជាង១០០០ដើមរួចមកហើយ ។ ចំណែកលោកព្រាបឥន្ទវឌ្ឍនៈអ្នកតំណាងឲ្យក្រុមយុវជនខាងលើដែរនោះបានប្រាប់ពីប្រវត្តិនៃការបង្កើតក្រុមយុវជនពុទ្ធសាសនិកនេះឡើង លោកថា៖ដំបូងឡើយពួកគេមានគ្នាប្រមាណជា៨ទៅ១០នាក់តែប៉ុណ្ណោះកាលពីឆ្នាំ២០០៩កន្លងទៅនេះ។ 
ហើយកសកម្មភាពដែលពួកគេធើ្វលើកដំបូងនោះគឺយកព្រះពុទ្ធសាសនាក្នុងការរួមចំណែកអភិវឌ្ឍសង្គមជាតិតមកមានការចាប់អារម្មណ៏ពីស្រទាប់យុវជននិងសិស្សានុសិស្សដ៏ច្រើនរហូតមានការគាំទ្រចូលរួមជាសមាជិកជិតមួយពាន់នាក់សម្រាប់ឆ្នាំ២០១៤នេះ ។ ជាក់ស្តែងនៅព្រឹកថ្ងៃទី០៦ខែកក្កដាឆ្នាំ២០១៤នេះបន្ទាប់ពីបានដាំកូនឈើជាង៣០០ដើមរួចមកក្រុមការងារបានប្រារព្វពិធីហែទៀនព្រះវស្សានិងបំបួសដើមឈើចំនួន០៥ដើមជានិមិតរូបតំណាងឲ្យព្រះពុទ្ធទាំង០៥ព្រះអង្គដើម្បីការពារកុំឲ្យមានការកាប់បំផ្លាញព្រៃឈើតទៅទៀត ។
ហើយសកម្មភាពបំបួសឈើមឈើនោះបានចាប់អារម្មណ៏ពីយុវសិស្សប្រុសស្រីដែលពួកគេទើបតែបានចូលរួមជាលើកដំបូង យុវសិស្សទាំងនោះបានសម្តែងការគ្រាំទ្រចំពោះសកម្មភាពដាំកូនឈើនេះ ពួកគេថាពួកគេនឹងព្យាយាមផ្សព្វផ្សាយអំពីរុក្ខទិវាដ៏មានសារៈសំខាន់នេះបន្តប្រាប់ដល់មិត្តរួមថ្នាក់របស់ពួកគេឲ្យយល់ពីអត្ថប្រយោជន៏នៃព្រៃឈើ ។ ចំណែកលោក នៅ និល ប្រធានសង្កាត់រដ្ឋបាលព្រៃឈើស្រុកអូរជ្រៅខេត្តបន្ទាយមានជ័យក៏បានឲ្យដឹងដែរថា៖លោកកក្នុងនាមជាប្រធានសង្កាត់រដ្ឋបាលព្រៃឈើសូមកោតសសើចំពោះសកម្មភាពក្រុមយុវជនពុទ្ធសាសិកនេះដោយស្មោះ ។
លោកថា៖នៅរៀងរាល់ឆ្នាំលោកបានសម្បទានកូនឈើប្រភេទបេងក្រញ៉ូងគគីជាច្រើនរយដើម ឲ្យទៅពួកគេជារៀងរាល់ឆ្នាំហើយឈើដែលពួកគេយកទៅដាំនោះពិតជាបានដុះលូតលាស់ល្អ លើសពីនេះទៅទៀតនោះពួកគេតែងតែបានជួយដល់សង្គជាតិបានច្រើនតាមរយៈក្រុមយុវជនរបស់ពួកគែ។យ៉ាងណាក៏ដោយការដាំកូនឈើវាពិតជារួមចំណែកក្នុងការកាត់បន្ថយនូវគ្រោះមហន្តរាយពីធម្មជាតិ ហើយប្រទេសនៅលើពិភពលោកបានកំពុតែចាប់អារម្មណ៏លើបញ្ហាបំរែបំរួលបរិស្ថាន ដែលពាក់ពន្ធ័និងការបាត់បង់នូវធនធានធម្មជាតិពីភពផែនដីពីមួយឆ្នាំទៅឆ្នាំ ក្នុងនោះប្រទេសកម្ពុជាយើងក៏កំពុងតែរងគ្រោះ ដោយសារការកាប់បំផ្លាញព្រៃឈើនេះដែរ ។
