សម័យប្រជុំព្រឹទ្ធសភា លើកទី៥ នីតិកាលទី៣ នៅព្រឹកថ្ងៃចន្ទ ទី៧កក្កដានេះ ដែលដឹកនាំដោយគណបក្សប្រជាជនកម្ពុជា បានដំណើរការកិច្ចប្រជុំរបស់ខ្លួន ដើម្បីពិភាក្សា និងអនុម័តច្បាប់ ដោយគ្មានឧបស័គអ្វីទេ បើទោះបីគណបក្សសមរង្ស៊ី បានប្រកាសមិនចូលប្រជុំក៏ដោយ ។
សូមបញ្ជាក់ថា៖ ចាប់តាំងពីការបោះឆ្នោត ថ្ងៃ២៨ ខែកក្កដា ឆ្នាំ២០១៣ សមាជិកព្រឹទ្ធសភាគណបក្សសមរង្ស៊ី ចំនួន ១១ រូប បានធ្វើពហិការ មិនចូលរួមកិច្ចប្រជុំ ខណៈដែលគណបក្សសង្គ្រោះជាតិ បានបដិសេធលទ្ធផលបោះឆ្នោត ហើយតវ៉ាឲ្យមានការកែទម្រង់ការបោះឆ្នោត ៕
