ភ្នំពេញ ៖ ជនសង្ស័យ២នាក់ត្រូវបានសមត្ថកិច្ចឃាត់ខ្លួនបានបន្ទាប់ពីគេលួចយកម៉ូតូវីវ៉ាមួយគ្រឿង មកបញ្ចាំ ហើយត្រូវម្ចាស់គេទាន់ប្ដឹងសមត្ថកិច្ចអោយឃាត់ខ្លួនភ្លាមៗនៅចំណុចផ្លូវ១៨៦ ទល់មុខ ផ្ទះបញ្ចាំ លេខ7C កាលពីវេលាម៉ោង២និង៣០នាទីរំលងអាធ្រាត្រឈានចូលថ្ងៃទី១៩ខែកុម្ភៈ ឆ្នាំ២០១៤ ស្ថិតក្នុងសង្កាត់ទឹកល្អក់៣ ខណ្ឌទួលគោក។ តាមការអោយដឹងពីម្ចាស់ម៉ូតូវីវ៉ាមួយគ្រឿង ពណ៌ខ្មៅ ពាក់ស្លាកលេខស៊េរីចាស់ឈ្មោះ ខន វាសនា អាយុ២៩ឆ្នាំ មុខរបរជាអ្នករត់ម៉ូតូឌុប ស្នាក់ផ្ទះជួលនៅសង្កាត់ចោមចៅ ខណ្ឌពោធិ៍សែនជ័យ បានអោយដឹងថា គាត់ជាអ្នករត់ម៉ូតូឌុប ហើយគាត់បានឌុបបងប្រុសគាត់ម្នាក់មកផ្ទះសំណាក់យីហោ ណាណា នៅតាមបណ្ដោយផ្លូវវែងស្រេង ហើយគាត់ក៏បាន
ឡើងទៅលើជាមួយនិងបងប្រុសគាត់ ដោយទុកម៉ូតូនៅខាងក្រោម មួយភ្លេតស្រាប់តែរូបគាត់ចុះមកវិញក៏បាត់ម៉ូតូគាត់តែម្តង មិនដឹងថា មានអ្នកណាយកទៅនោះទេ ភ្លាមៗនោះរូបគាត់ដែរជាម្ចាស់នេះក៏បានដើររករបស់ម៉ូតូខ្លួននៅម្តុំបញ្ចាំ ក៏បានប្រទះឃើញបុរសពីរនាក់និងឃើញម៉ូតូគាត់នៅកន្លែងបញ្ចាំនោះឃើញដូចនេះគាត់ក៏បានទៅប្តឹងសមត្ថកិច្ចភ្លាមៗឲ្យចុះមកអន្តរាគមន៍ និងធ្វើការឃាត់ខ្លួនជនសង្ស័យពីរនាក់ខាងលើនេះ ។
ជនសង្ស័យខាងលើនេះទីមួយឈ្មោះ ណុក សារិត អាយុ ២៣ឆ្នាំ មុខរបរ ជាងសំណង ស្នាក់នៅ ភូមិត្រពាំង ឃ្លឹងសង្កាត់ចោមចៅ ខណ្ឌពោធិ៍សែនជ័យ និងម្នាក់ទៀតឈ្មោះ ថូងណាក់អាយុ ២០ឆ្នាំ មុខរបរ ជាងសំណង ស្នាក់នៅភូមិត្រពាំងឃ្លឹង សង្កាត់ចោមចៅ ខណ្ឌពោធិ៍សែនជ័យដូចគ្នា ហើយ ជនសង្ស័យនេះបាននិយាយដែរគេមិនបានលួចទេ គឺម្ចាស់ម៉ូតូនេះឲ្យពួកគេយកមកបញ្ចាំទេ ។
ទោះជាមានការដោះសារយ៉ាងណាក៏ដោយក៏ត្រូវសមត្ថកិច្ចឃាត់ខ្លួននិងនាំជនរងគ្រោះដែរជាម្ចាស់ ខាងលើនេះទៅធ្វើការដោះស្រាយគ្នានៅនរគបាលប៉ុសិ៏ទឹកល្អក់៣ ទៅតាមផ្លូវច្បាប់៕ 
