ក្លិបបិសាចក្រហម Manchester United ត្រូវបានគេអះអាងថា អាចនឹងលក់កីឡាករ Ashley Young ទៅឲ្យ អតីតក្លិបចាស់របស់គេវិញគឺ Aston Villa នៅរដូវក្តៅនេះ ។ កីឡាករវ័យ២៨រូបនេះបានផ្លាស់ពី Aston Villa មក Manchester United កាលពីឆ្នាំ ២០១១ ប៉ុន្តែរូបគេ មិនសូវជាបានចូលលេងជាជម្រើស១១នាក់ដំបូងទេនៅទឹកដី Old Trafford ដោយ៣ឆ្នាំកន្លងមកនេះ Ashley Young ស៊ុតចូលបានតែ១១គ្រាប់ប៉ុណ្ណោះ ។ យោងតាមគេហទំព័រ Daily Mail បានចុះផ្សាយថា ក្លិបបិសាចក្រហម Manchester United កំពុងតែ មានគម្រោងអនុញ្ញាតឲ្យ Young ចាកចេញនៅខែនេះហើយក្លិប Aston Villa កំពុងតែមានចំណាប់អារម្មណ៍ ចង់បានរូបគេមកវិញ ។ គួរបញ្ជាក់ថា Young បានចាប់ផ្តើមអាជីពបាល់ទាត់ជាមួយក្លិប Watford ៕
