វ៉ាស៊ីនតោន៖ គ្រោះរញ្ជួយដី កម្រិត ៧,១រ៉ិចទ័រ បានវាយប្រហារតំបន់ភាគនិរតីប្រទេសម៉ិកស៊ិក នាថ្ងៃចន្ទ ម្សិលមិញ។ នេះបើយោងតាមការលើកឡើងរបស់មន្ត្រីស្រាវជ្រាវភូមិសាស្ត្រ របស់សហរដ្ឋអាមេរិក ដេលនេះបើតាមទីភ្នាក់ងារព័ត៌មានចិនស៊ិនហួ ចេញផ្សាយ ថ្ងៃទី៧ ខែកក្កដា
ឆ្នាំ២០១៤ បានឲ្យដឹង។ ប្រភពដដែលបានឲ្យដឹងថា ចំណុចកណ្តាល នៃគ្រោះរញ្ជួយដី បានកើតឡើងនៅតំបន់មួយ ស្ថិតនៅចម្ងាយ ១៧គីឡូម៉ែត្រពីទីក្រុងម៉ាហ្សាតាន ក្នុងរដ្ឋឃីយ៉ាប៉ាស់ តំបន់ភាគនិរតី នៃប្រទេសម៉ិកស៊ិកក្នុងជម្រៅ ៧៦គីឡូម៉ែត្រ។ មិនមានរបាយការណ៍ពីចំនួនមនុស្សស្លាប់ ឬរបួស នៅឡើយទេ ប៉ុន្តែបើតាមរូបភាព រូបថត ឃើញថា អគារពាណិជ្ជកម្ម អគារផ្ទះល្វែង បានបាក់ស្រុត រង្គើផ្ទះ ព្រមទាំងបែកបាក់ ធ្លាក់ថ្ម ដោយអន្លើៗ៕
