គ្រូបង្វឹកក្រុមមច្ចុរាជពណ៌ទឹកក្រូចហូឡង់លោក Louis van Gaal បានលើកឡើងថា ក្រុមរបស់លោក បានត្រៀមខ្លួនបានយ៉ាងល្អដើម្បីប្រកួតនិងយកឈ្នះអាហ្សង់ទីនហើយឡើងទៅកាន់វគ្គផ្តាច់ព្រ័ត្រនៃពានរង្វាន់ World Cup ។ ក្រុមបាល់ទាត់ទាំងពីរនឹងត្រូវប្រកួតជាមួយគ្នាក្នុងទីក្រុង សៅប៉ូឡូ នៅយប់នេះដើម្បីរកក្រុមមួយទៅជួបឥន្ទ្រី ដែកអាល្លឺម៉ង់នៅវគ្គផ្តាច់ព្រ័ត្របន្ទាប់ពីអាល្លឺម៉ង់បានបំបាក់ម្ចាស់ផ្ទះប្រេស៊ីលក្នុងលទ្ធផល៧-១ ។ ក្រុមទាំងពីរនេះលេងមិនទាន់ចាញ់ឡើយចាប់តាំងពីរធ្វើការប្រកួតមកហើយមកដល់ពេលនេះលោកVan Gaal បាននិយាយថា ឱកាសនៃការឡើងទៅវគ្គផ្តាច់ព្រ័ត្ររបស់ហូឡង់គឺស្ថិតក្នុងស្ថានភាព៥០-៥០ ។ លោក Van Gaal បញ្ជាក់ប្រាប់អ្នកសារព័ត៌មានថា “មកដល់ដំណាក់កាលនេះគឺក្រុមទាំងអស់មានសមត្ថភាព ប្រហាក់ប្រហែលគ្នា មិនអាចមាននរណាភ្លាត់បានឡើយហើយយើងមានសង្ឃឹមតែ៥០%ប៉ុណ្ណោះ” ។ គួរបញ្ជាក់ថា ការប្រកួតវគ្គផ្តាច់ព្រ័ត្រនឹងត្រូវធ្វើឡើងនៅថ្ងៃទី១៣នេះនៅក្នុងទីក្រុងម៉ារ៉ាកាណា ៕