នៅក្នុងជំនួបពិភាក្សាមន្ដ្រីជាន់ខ្ពស់ អាមេរិក ចិន នៅទីក្រុងប៉េកាំងកាលពី ថ្ងៃទី៩ ខែកក្កដា រដ្ឋមន្ដ្រីការបរទេស អាមេរិកលោកចន ឃើរីបានបញ្ជាក់ថា អាមេរិកមិនចង់បង្អាក់រាល់សកម្មភាព ណាមួយរបស់ចិននោះឡើយ ។ អាមេរិកស្វាគមន៍អបអរសាទរដល់ ប្រទេសចិនរីកចម្រើន និងសន្ដិភាព ហើយជួយជ្រោមជ្រែងមានការទទួល ខុសត្រូវក្នុងការរក្សាសន្ដិសុខ ស្ថិរភាព ក្នុងតំបន់អាស៊ីប៉ាស៊ីហ្វិកក៏ដូចជានៅលើ ពិភពលោកទាំងមូល ។ លោកចន ឃើរី បន្ដទៀតថា ទោះបីអាមេរិក ចិនមាន ចំណុចខុសគ្នាជាច្រើនប៉ុន្ដែនឹងខិតខំស្វែង រកសំឡេងរួមគ្នាដើម្បីដោះស្រាយបញ្ហា ផ្សេងៗ ។
លោកចន ឃើរីបានបំពេញទស្សន កិច្ចទៅកាន់ប្រទេសចិននាថ្ងៃទី៨ ខែ កក្កដា ចូលរួមកិច្ចពិភាក្សាសេដ្ឋកិច្ចនិង យុទ្ធសាស្ដ្រអាមេរិក-ចិនដែលធ្វើឡើង រយៈពេល២ថ្ងៃ គឺថ្ងៃទី៩ និងទី១០ ខែ កក្កដា ឆ្នាំ២០១៤ ។
បណ្ដាមន្ដ្រីដែលអមដំណើរលោក ចន ឃើរីចូលរួមកិច្ចប្រជុំនៅប្រទេស ចិននោះបានបង្ហាញការព្រួយបារម្ភថា វិវាទអធិបតេយ្យភាពនៅក្នុងតំបន់អាច ជាការរាំងស្ទះដល់ទំនាក់ទំនងអាមេរិក- ចិន ។ ក្នុងពេលជាមួយគ្នានោះដែរ រដ្ឋមន្ដ្រី ក្រសួងការបរទេសចិនក៏បានអំពាវនាវ អាមេរិកឱ្យឃ្លាតឆ្ងាយពីតំបន់មានវិវាទ របស់ចិន ចៀសវាងមានការប្រឈម មុខដាក់គ្នាដែលធ្វើឱ្យប៉ះពាល់ដល់ទំនាក់ ទំនងសេដ្ឋកិច្ច និងយុទ្ធសាស្ដ្រប្រទេស ទាំងពីរដែលកំពុងមានភាពរីកចម្រើន ខ្លាំងទៅមុខ
