កីឡាករ Ezequiel Lavezzi បានលើកឡើងថា រូបគេនឹងចាប់ដៃគូគ្នាប្រយុទ្ធជាមួយកីឡាករ Lionel Messi សម្រាប់ការប្រកួត World Cup វគ្គ semi-final ជាមួយហូឡង់នៅយប់នេះ ។ អាហ្សង់ទីននឹងត្រូវជួបជាមួយហូឡង់ក្នុងទីក្រុង សៅប៉ូឡូ ដើម្បីរកកៅអីមួយនៅវគ្គផ្តាច់ព្រ័ត្រជាលើកដំបូងចាប់តាំងពីឆ្នាំ ១៩៩០ មកហើយកីឡាករ Lavezzi បាននិយាយថា រូបគេនិង Messi អាចជួយឲ្យអាហ្សង់ទីនបំបាក់ហូឡង់បាន ។
កីឡាករវ័យ២៩ឆ្នាំរូបនេះប្រាប់អ្នកសារព័ត៌មានថា “Messi ជាកីឡាករដ៏កំពូលម្នាក់ យើងមាន ឱកាសយកឈ្នះ អ្នកគាំទ្រទាំងអស់មានក្តីសង្ឃឹមលើយើងហើយយើងនឹងផ្តល់ឲ្យពួកគេនូវអ្វី ដែល ពួកគេចង់បាន” ។
គួរបញ្ជាក់ថា ទន្ទឹមជាមួយគ្នានោះ គ្រូបង្វឹកក្រុមពណ៌ទឹកក្រូចហូឡង់លោក Louis van Gaal ក៏បាននិយាយផងដែរថា Messi គឺជាកីឡាករតែម្នាក់គត់ដែលធ្វើឲ្យក្រុមរបស់គាត់ព្រួយបារម្ភសម្រាប់ការប្រកួតនៅយប់នេះ ៕
