ភ្នំពេញៈ យុវជនម្នាក់បានរងរបួសធ្ងន់ធ្ងរត្រូវបានដឹកទៅសង្គ្រោះនៅមន្ទីរពេទ្យកាល់ម៉ែត្រភ្លាមៗខណៈដែលរួបគេកំពុងជិះម៉ូតូហើយត្រូវរថយន្តកុងតឺន័របើកបុកហើយកិន នៅចំណុចខាងក្រោមស្ពានអាកាស៧មករា ស្ថិតក្នុងសង្កាត់ទឹកល្អក់ទី១ ខណ្ឌទួកគោកកាលពីវេលាម៉ោង២២និង៣០នាទីយប់ ថ្ងៃទី០៩ ខែកក្តដា ឆ្នាំ២០១៤។
យោងតាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញយុវជនម្នាក់ជិះម៉ូតូមួយគ្រឿងម៉ាកសងកូរ៉េ ពណ៌ក្រហមធ្វើដំណើរតាមបណ្តោយផ្លូវលេខ៥៩៨ ក្នុងទិសដៅពីជើងទៅត្បូង លុះមកដល់ចំណុចក្រោយស្ពានអាកាស៧មករា ក៏បានទាយចង្កូត
បត់ឆ្វេងទៅតាមផ្លូវកម្ពុជាក្រោម ភ្លាមនោះស្រាប់តែមានរថយន្តម៉ាកកុងតឺន័រ ដឹកទំនិញ ខៀវលាយក្រហម ពាក់ស្លាកលេខភ្នំពេញ3B-4319 ដែលធ្វើដំណើរតាមបណ្តោយផ្លូវលេខ២៧១ ក្នុងទិសដៅពីត្បូងទៅជើងក្នុងល្បឿនក៏ជ្រុលបុកម៉ូតូហើយកិនបណ្តាលម៉ូតូជាប់ក្រោមរថយន្ត រងការខូចខាត រីឯអ្នកជិះម៉ូតូរងរបួសធ្ងន់ធ្ងរត្រូវបានដឹកទៅសង្គ្រោះនៅមន្ទីរពេទ្យភ្លាមៗ។ចំណែកអ្នកបើករថយន្តបន្ទាប់ពីកើតហេតុម្ចាស់រថយន្តបានចុះពីលើរថយន្តព្យាយាមរត់តែត្រូវបានប្រជាពលរដ្ឋដែលនៅក្បែដេញចាប់បានភ្លាមៗ។
ក្រោយពេលកើតហេតុសមត្ថកិច្ចបានចុះធ្វើអន្តរាគមន៍វាស់វែងយករថយន្តនិងម៉ូតូទៅរក្សាទុកនៅអធិការដ្ឋាននគរបាលខណ្ឌទួលគោកដើម្បីរងចាំដោះស្រាយនៅពេលក្រោយ។
គូរបញ្ជាក់ថាៈ ទាក់ទិននិងគ្រោះថ្នាក់ចរារណ៍ខាងលើនេះបណ្តាលមកពីរថយន្តកុងតឺន័របើកក្នុងល្បឿនលឿនទើបបង្កឲ្យមានគ្រោះថ្នាក់បែបនេះ៕
