សៀមរាប : មន្ត្រីជាន់ខ្ពស់និងសិក្ខាកាមនៃសាលានគរបាលជាតិភូមិន្ទថៃ១៦០នាក់បានទស្សន:កិច្ចសិក្សានៅស្នងការដ្ឋាននគរបាលខេត្តសៀមរាបកាលពីព្រឹកថ្ងៃទី១០ខែកក្តដាឆ្នាំ២០១៤ នេះ ។ ក្រោមការទទួលស្វាគមន៍យ៉ាងជិតស្និតពីសំណាក់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប ព្រមទាំង អស់លោក លោកស្រីជាស្នងការរងនៃស្នងការដ្ឋាននគរបាលខេត្តសៀមរាបផងដែរ ។
នៅក្នុងឱកាសដែលមន្ត្រីជាន់ខ្ពស់និងសិក្ខាកាមនៃសាលានគរបាលជាតិភូមិន្ទថៃ១៦០នាក់បានទស្សន:កិច្ចសិក្សានៅស្នងការដ្ឋាននគរបាលខេត្តសៀមរាបជាក់ស្តែងនាឱកាសនេះលោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបបានអញ្ជើញមានប្រសាសន៍
ស្វាគមន៍យ៉ាងកក់ក្តៅនិងបានធ្វើការជម្រាបជូននូវលក្ខណ:ភូមិសាស្ត្រទូទៅនៅក្នុងខេត្តសៀមរាបក៏ដូចជាការអនុវត្តគោលនយោបាយភូមិឃុំមានសុវត្ថិភាពដែលកន្លងមកកម្លាំងនគរបាលជាតិនៃស្នងការដ្ឋាននគរបាលខេត្តសៀមរាបបានអនុវត្តតាមរាជរដ្ឋាភិបាលកម្ពុជាដែលមានសម្តេច អគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជាទើបធ្វើឲ្យការអនុវត្តប្រកបដោយប្រសិទ្ធភាពនិងទទួលបាននូវភាពជោគជ័យ ។
ដោយនៅក្នុងដំណើរទស្សន:កិច្ចសិក្សារបស់មន្ត្រីជាន់ខ្ពស់និងសិក្ខាកាមនៃសាលានគរបាលជាតិភូមិន្ទថៃទាំង១៦០នាក់មកកាន់ស្នងការដ្ឋាននគរបាលខេត្តសៀមរាបគឺជាការសបញ្ជាក់ឲ្យឃើញនូវការរឹតចំណងមិត្តរវាងប្រទេសទាំងពីរដែលជាប្រទេសជិតខាងនិងគ្នាឲ្យកាន់តែមានភាពជិតស្និតថ្វេដងពិសេសដំណើរទស្សន:កិច្ចសិក្សានេះក៏ដើម្បីធ្វើការផ្លាស់ប្តូរដកបទពិសោធន៍ពីគ្នាទៅវិញទៅមកលើវិធានការបង្ការទប់ស្កាត់និងធ្វើការបង្រា្កបឲ្យបានទាន់ពេលវេលារាល់បទល្មើសដែលនៅសេសសល់និងបំរុងនិងកើតមានឡើងផងដែរ ៕ ដោយ ខេង ខេមរា