កំពង់ស្ពឺ ៖ បុរសម្នាក់បានបែកលលាក្បាលស្លាប់ភ្លាមៗ នៅក្នុងថ្លុកឈាមដោយសារគ្រាប់កាំភ្លើង និងចំនួន២នាក់ទៀតរងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីពេទ្យក្រុងភ្នំពេញ ព្រោះតែរឿទំនាសើពាក្សសម្តីរគ្នាក្នុងវង់ផឹកស៊ីមួយ ក្នុងរោងចាំចំការអ្នកមានម្នាក់ ។
ហេតុការណ៍បាញ់សម្លាប់មនុស្សយ៉ាងសាហាវនេះ បានកើតមានឡើងកាលពីវេលាម៉ោង១២រំលងអាធ្រាត្រឈានចូលថ្ងៃទី០៩ ខែកក្តដា ឆ្នាំ២០១៤ ស្ថិតក្នុងដីចំការ នៅភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។ ក្រោយពេលបង្កជនដៃដល់បានរត់គេចខ្លួនបាត់ស្រមោលតែម្តង ។
សមត្ថកិច្ចប៉ូលិសបាននិយាយថា បុរសជាឃាតករ ដែលបានបាញ់សម្លាប់ ជនរងគ្រោះដោយសារតែបញ្ហាទំនាស់ពាក្យសម្តីគ្នាបន្តិចបន្តួច ក្នុងកម្មវិធីជួបជុំគ្នាស៊ីផឹកនោះ មានឈ្មោះរឹម រឿន ភេទប្រុស អាយុ១៦ឆ្នាំ ជាកម្មករស៊ីឈ្នួលចាំដីចំការ នៅភូមិដីក្រហម ឃុំក្រាំងដីវ៉ាយ ហើយបានមកនៅជាមួយឪពុកម្តាយ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ បានរត់គេចខ្លួនបាត់ ហើយពេលនេះកំលាំងសមត្ថកិច្ចកំពុងតាមចាប់ខ្លួនដើម្បីយកមកផ្តន្ទាទោសតាមផ្លូវច្បាប់ ។ ប៉ូលិសបានប្រាប់ឱ្យដឹងថា ជនរងគ្រោះដោយសារការបាញ់សម្លាប់នោះ មានឈ្មោះធឿន ធីម ភេទប្រុស អាយុ ២០ឆ្នាំ មានទីលំនៅភូមិដីក្រហម ឃុំត្រែងត្រយឹង ស្រុកភ្នំស្រួច ត្រូវមួយគ្រាប់បែកលលាក្បាល មួយគ្រាប់ទៀតត្រង់ដៃ និងខ្លួន ស្លាប់ក្នុងថ្លុកឈាមតែម្តង ។
ប៉ូលិសបន្តថា ចំពោះអ្នករងរបួស២នាក់ទៀត មានឈ្មោះហៃ ហុន ភេទប្រុស១៩ឆ្នាំ រស់ភូមិដីក្រហម ឃុំក្រាំងដីវ៉ាយរបួសធ្ងន់ និងម្នាក់ទៀតឈ្មោះធា ភេទប្រុស អាយុ ២០ឆ្នាំ មានស្រុកកំណើត ភូមិស្តុក ឃុំស្តុក ស្រុកបសេដ្ឋ បច្ចុប្បន្ននៅភូមិទី១ ត្រែងត្រយឹង ស្រុកភ្នំស្រួច របួសធ្ងន់ត្រូវបានបញ្ជូនទៅកានសង្គ្រោះនៅមន្ទីរពេទ្យរាជធានីភ្នំពេញ ។
ប្រភពបន្តថា បន្ទាប់ពីផឹកចប់ នៅម៉ោងប្រហែលជាង ១២រំលងអាធ្រាត ឈ្មោះហៃ ហុនបានបញ្ឆេះម៉ូតូដើម្បីឌុបគ្នាត្រឡប់ទៅផ្ទះ ស្រាប់ឈ្មោះរឹម រឿនបានបាញ់មួយគ្រាប់ត្រូវចំឈ្មោះធឿន ធីម បណ្តាលអោយដួលទៅនឹងដី ហើយបានបាញ់៣គ្រាប់ទៀតធ្វើអោយជនតងគ្រោះ២នាក់រងរបួស និងម្នាក់ទៀតរត់បាតជើងសរព្រាតព្រលឹងចុងសក់ម្តង ។
ប៉ូលិសជំនាញបញ្ជាក់ថា តាមការបំភ្លឺរបស់ម្តាយឃាតកបានបរាប់ថាអាវុធចំនួន២ដើម គឺអាវុធបាញ់សត្វប្រើខ្យល់មួយដើម និងមួយដើមទៀតគាត់មិនស្គាល់ម៉ាក ត្រូវបានម្ខាស់ចំការអោយប្តីគាត់គ្រាន់ការពារខ្លួន ប៉ុន្តែប្តីមិនដែលប៉ះពាល់ទេទុកចោលក្នុងផ្ទះរហួត ហើយនៅថ្ងៃកើតហរតុប្តី និងគាត់អត់នៅចំការដែរ ទៅស្រុកដើម្បីរកទិញគោយន្តអោយកូនចាំជំនួស២-៣ថ្ងៃសិន មិននឹកស្មានមានរឿងបែបនេះសោះ ។ ប្រភពបន្តថា អាវុធដែលជនសង្ស័យប្រើប្រាស់បាញ់សម្លាប់ជនរងគ្រោះ និងអ្នករបួសនោះប្រភេទការ៉ាប៊ីន ព្រមទាំងគ្រាប់មួយចំនួន ។
បច្ចុប្បន្នសាកសពត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ។ ចំណែកជនសង្ស័យសមត្ថកិច្ចកំពុងកសាងសំណុំរឿងអោយបានគ្រាប់គ្រាន់ ដើម្បីបញ្ជូនទៅកាត់តុលាការបន្ត និងកំពុងតាមចាប់ខ្លួនយកមកផ្តន្ទាទោសតាមផ្លូវច្បាស់ផងដែរ ៕
