កំពង់ធំ ៖ នៅព្រឹកថ្ងៃទី១១ ខែ កក្កដា ឆ្នាំ២០១៤នេះ នៅនៅក្នុងវត្តទេពនិមិត្ត ហៅវត្តធម្មយុទ្ធក្នុងក្រុងស្ទឹងសែន មានរៀបចំប្រារព្ធពិធីគោរពវិញ្ញាណក្ខន្ធ បាងស្គូលព្រះករុណា ព្រះបាទសម្តេចព្រះនរោត្តម សីហនុ ព្រះមហាវីរក្សត្រ ព្រះបិតាឯករាជ្យជាតិ ដែលអង្គសម្តេចឪ សម្តេចតា សម្តេចតាទួត នៃប្រជារាស្ត្រខ្មែរ ដែលព្រះអង្គបានយាងសោយទិវង្គតនាថ្ងៃទី១៥ ខែតុលា ឆ្នាំ២០១២ មកទល់នឹងថ្ងៃទី១១ ខែកក្កដា ឆ្នាំ២០១៤នេះ ជាព្រះរាជពិធីដង្ហែព្រះបរមអដ្ឋិ យាងទៅគង់ក្នុងព្រះបរមនីចេតិយគន្ធបុប្ផា។
ព្រះរាជពិធីគោរពព្រះវិញ្ញាណក្ខន្ធ សូត្រមន្តបាងស្គូល ថ្វាយការរំលឹកគុណនៃព្រះបរមរតនកោដ្ឋដោយថ្លែងពីភក្ដីភាពពីលោក ហុក រិន អភិបាលក្រុងស្ទឹងសែន ព្រមទាំង ថ្នាក់ដឹកនាំមន្ត្រីរាជការកងកម្លាំងប្រដាប់អាវុធ ឯកឧត្តម លោកជំទាវ អស់លោក លោកស្រី និង ប្រជាពលរដ្ឋនៅខេត្តកំពង់ធំ បានបង្ហាញនូវមនោសញ្ចេតនាស្តាយស្រណោះអាឡោះអាល័យ ជាពន់ពេក នៃការឃ្លាតឆ្ងាយពីអង្គព្រះមហាវីរក្សត្រ នៃកម្ពុជាដែលគ្មានថ្ងៃវិលត្រឡប់ជួបកូនចៅវិញឡើយ ។
ពិធីនេះមានបានប្រព្រឹត្តទៅរយះពេល៣ថ្ងៃ ដោយមានការដង្ហែរព្រះឆាយវល្ល័ក្ខ ៣ជុំព្រះវិហារ ពិធីបាងស្គូល មោនសកាព្រះរតនះត្រៃ សមាទានសីល៍ ប្រជាពលរដ្ឋបានគោរពដឹងគុណពីគុណូបការៈដ៏វិសេសវិសាលរបស់ព្រះបរមរតនកោដ្ឋ ហាក់ស្ថិតនៅក្រោមបារមីនៃអង្គព្រះករុណា ព្រះបរមរតនកោដ្ឋដែលជានិច្ចកាលអង្គ តាមថែរក្សាប្រទេសកម្ពុជាឲ្យទទួលបាននូវជ័យជំនះ។
លោកហ៊ុក រិន អភិបាលក្រុងស្ទឹងសែន បានប្រគេន ទានវស្សា១គូរ ភេសជ្ជះគ្រប់មុខ ,តីយវត្ថុ,ព្រមទាំងចំណាយថវិការផ្ទាល់ខ្លួនចំនួនជាង៣លានរៀលសំរាប់ចំហាន់ព្រះសង្ឃលោកយាយលោកតានិងពុទ្ធបរស័ទជាច្រើនផងដែរ លោកហ៊ុក រិន អភិបាលក្រុងស្ទឹងសែនបានមានប្រសាសន៍ថាក្នុងនាមខ្ញុំតំណាងមន្ដ្រីរាជការជុំវិញក្រុងស្ទឹងសែននិងពុទ្ធបរិស័តទាំងអស់ក្នុងពិធីនេះគឺដើម្បីរំលឹកគុណដល់សម្ដេចឪ សម្ដេចតានៃយើងដែលព្រះអង្គជាព្រះបីតាជាតិកាលដែលព្រះអង្គនៅមានព្រះជនបានបង្កើតស្នាដៃយ៉ាងច្រើនក្នុងការកសាងជាតិមាតុភូមិ
អោយប្រជាពលរដ្នរស់នៅក្នុងភាពសុខសាន្ដ ហើយក៏សុំអស់គុណដល់លោកយាយលោកតាពុទ្ធបរិស័ទ ប្រជាពលរដ្នដែលបានចូលរួមបួងសួងដល់ ព្រះបាទសម្តេចព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យបូរណភាព ទឹកដី និងឯកភាពជាតិខ្មែរ សូមទ្រង់យាងទៅកាន់សុគតិភព ក្នុងឋានព្រះបរមសុខ ក្សេមក្សាន្ត កុំបីឃ្លៀងឃ្លាតឡើយ ៕