កំពង់ស្ពឺ=ហាងលក់ម៉ូតូជាច្រើនកន្លែងក្នុងខេត្តកំពង់ស្ពឺត្រូវបានគេមើលឃើញបានបង្កប់លក់នៅម៉ូតូអត់ពន្ធរាប់សិបគ្រឿងដែលធ្វើឲ្យបាត់បង់ប្រាក់ចំណូលរដ្ឋយ៉ាងច្រើននិងបង្កឲ្យអ្នករកស៊ីស្របច្បាប់មួយចំនួនមិនសប្បាយចិត្តខាតបង់ប្រាក់ចំណូលខណះសមត្ថកិច្ចជំនាញត្រូវបានគេ
ដឹងថាបានទទួលលាភសក្ការះក្នុងរឿងយ៉ាងក្រាស់ក្រែល។ កន្លែងលក់ម៉ូតូជាច្រើនដែលកំពង់ដំណើរការលក់សព្វថ្ងៃភាគច្រើនមិនមានច្បាប់ហើយកន្លែងលក់ទាំងនោះបានបង្កប់ម៉ូតូអត់ពន្ធរាប់សិបគ្រឿងដែលនាំចូលប្រទេសជិតខាងយើង។
នៅតាមកន្លែងលក់ជាច្រើគេបានតាំងម៉ូតូមានពន្ធដាក់ពីមុខដោយឡែកម៉ូតូដែលមិនមានពន្ធគេបានលាក់ទុកក្នុងផ្ទះឬលាក់ទុកផ្ទះផ្សេងជៀសវាងខ្លាចមានសមត្ថកិច្ចមកបង្ក្រាប។ ម្ចាស់ហាងលក់ម៉ូតូមួយចំនួនបាននិយាយដោយត្រង់ថាពួកគាត់រាល់ថ្ងៃមិនមានមុខរបរផ្សេងបើមានពួកគាត់មិនរកស៊ីមុខរបរមិនស្របច្បាប់នេះទេពីព្រោះការរកស៊ីដូចសព្វថ្ងៃដូចរកលុយចញ្ចឹមសមត្ថកិច្ចជំនាញអញ្ចឹងបើមិនបង់លុយខ្លះឲ្យគេច្បាស់ជាមិនបានសុខទេ។
សមត្ថកិច្ចដែលពាក់ពន្ធ័និងរឿងបង្ក្រាបម៉ូតូគេចពន្ធឬអត់ពន្ធនេះគឺអង្គភាពប៉ូលីស៏សេដ្ឋកិច្ចក្រុមគយចលត័ក្នុងខេត្តនិងមន្ទីរពន្ធដាខេត្តដែលជាជំនាញដែលនិងត្រូវចេញបង្ក្រាបកន្លែងលក់ម៉ូតូអត់ពន្ធទាំងនេះប៉ុន្តែសមត្ថកិច្ចទាំងនោះត្រូវបានគេសង្សយ័បានដឹងរឿងនេះយ៉ាងប្រាកដតែដោយទទួលបានលាភសក្ការះខ្លះៗទើបមិនរវល់និងបង្ក្រាប។ កន្លងទៅគេបានឃើញសមត្ថកិច្ចពាក់ពន្ធ័មួយចំនួនចុះបង្ក្រាបជាហូហែតែគេធ្វើឡើងជាលក្ខណះគាងគោបញ្ចូលក្រោលក្នុងបំណងឲ្យអ្នកដែលមិនទាន់ស្គាល់ពួកគេឲ្យស្គាល់ច្បាស់ងាយស្រួលចចាគ្នាតែប៉ុណ្ណោះ។
មានកន្លែងលក់ម៉ូតូមួយចំនួនបានដាក់តាំងលក់ម៉ូតូគ្រប់ប្រភេទគ្រប់ធន់ដែលគ្មានពន្ធនាំចូលពីប្រទេសវៀតណាមនិងថៃយ៉ាងសង្សាហើយសមត្ថកិច្ចពាក់ខ្លះបានដោយផ្ទាល់ភ្នែកជារៀងរាល់ថ្ងៃឡើងសាំអស់ទៅហើយ។ ដោយសារតែការមិនអើពើក្នុងការបង្ក្រាបនេះហើយបានធ្វើឲ្យម្ចាស់ហាងលក់ម៉ូតូស្របច្បាប់មួយចំនួនមានការរិះគន់ដល់សមត្ថកិច្ចថាគ្មានសមត្ថភាពក្នុងបង្ក្រាបទំនិញគេចពន្ធនាំពន្ធចំណូលចូលរដ្ឋដែលជាទង្វើស្របច្បាប់របស់ខ្លួនទេបែជាគិតតែពីនាំគ្នាឃុបឃិតបើកដៃឲ្យមានការនាំចូលមកលក់ប្រជែងថែមទៀត។
ជារួមកន្លែងលក់ម៉ូតូជាង២០កន្លែងក្នុងខេត្តសព្វថ្ងៃត្រូវគេរាយការណ៏ថាបានបង់ប្រាក់ជាប្រចាំដល់សមត្ថកិច្ចជំនាញជារៀងរាល់ខែហើយតូចស៊ីតាមតូចធំស៊ីតាមធំ។ក្នុងមួយខែៗម៉ូតូគេចពន្ធឬអត់ពន្ធបាននាំចូលមិនក្រោមរយគ្រឿងនោះឡើយកត្តានេះបានធ្វើខាតបង់ដល់ប្រាក់ចំណូលចូលរដ្ឋមិនក្រោមម៉ឺនដុល្លាទេក្នុងមួយខែៗហើយបានជំរុញភាពស្របច្បាប់ឲ្យខាតបង់ស្ទើរកស៊ីមិនកើត។ មតិជាច្រើនបានលើកឡើងថាពួកគេរងចាំមើលតើមានសមត្ថកិច្ចជំនាញណាដែលហ៊ានចុះបង្ក្រាបលើករណីម៉ូតូគេចពន្ធនេះបើម្នាក់ៗសុទ្ធតែទទួលលាភសើមមាត់សើមកគ្រប់ៗគ្នាបែបនេះ(sex)៕