សៀមរាប : កាលពីពេលថ្មីៗកន្លងទៅថ្មីនេះឯ.ឩ ង៉ែត នរិន្ទ ប្រធាន កត្តិយស គណះបក្សប្រជាជនកម្ពុជា ចុះជួយស្រុកជីក្រែងនិង ឯ.ឩ សត ណាឌី សមាជិកអចិន្ត្រៃយ៍គណះកម្មាធិការនៃគណះបក្សប្រជាជនកម្ពុជាខេត្តនិងជាប្រធាន ក្រុមការងារខេត្តចុះជួយស្រុកជីក្រែង ខេត្តសៀមរាប
។ព្រមទាំងក្រុមការងារគណះបក្សប្រជាជនកម្ពុជាខេត្តចុះជួយស្រុកជីក្រែង និង សមាជិក សមាជិកា ក្នុងជួរគណះបក្សប្រជាជនស្រុកជីក្រែងជាច្រើនរូបបាននាំយកនូវ ទៀនវស្សាចំនួន៣៤គូ និងទ័យ្យទាន គ្រឿងឧបភោគបរិភោគមួយចំនួន ទៅវេរប្រគេនព្រះសង្ឃ ចំនួន៣៤វត្ត ក្នុងទូទាំងស្រុកជីក្រែងខេត្តសៀមរាប ។ 
នៅក្នុងឱកាសនោះឯ.ឩ ង៉ែត នរិន្ទ និង ឯ.ឩ សត ណាឌី ព្រមទាំងក្រុមការងារគណះបក្សប្រជាជនកម្ពុជាខេត្តចុះជួយស្រុកជីក្រែង និង សមាជិក សមាជិកា ក្នុងជួរគណះបក្សប្រជាជនស្រុកជីក្រែងទាំងអស់ ក៏បានប្រារព្វធ្វើ ពិធីវេរប្រគេនទៀនព្រះវស្សា ទៅតាមគន្លងប្រពៃណីព្រះពុទ្ធសាសនានៃយើង ដើម្បីព្រះសង្ឃយកទៅដុតបំភ្លឺ បូជាថ្វាយព្រះ និង សិក្សារៀនសូត្រនូវ គម្ពីធម៌វិន័យ ព្រះសម្មាសាម្ពុទ្ធ ព្រះបរមគ្រូនៃយើង និង ដើម្បីឧទ្ទិស កុសលផលបុណ្យដល់បុព្វការីជន សាច់សាលោកហិត កម្មាភិបាល យុទ្ធជនយុទ្ធនារី ដែលបានពលី មរណៈក្នុងបុព្វហេតុ ជាតិមាតុភូមិ ក្នុងការអភិវឌ្ឍន៍ប្រទេស ឲ្យមានការរីកចម្រើន ដែលបានចែកឋានទៅកាន់ លោកខាងមុខផងដែរ ។ 
ដោយសម្ភារៈបរិក្ខាដែលបានប្រគេនព្រះសង្ឃទាំង៣៤វត្តក្នុងទូទាំងស្រុកជីក្រែងនាពេលនេះក្នុងមួយវត្តៗ ទទួលបាន ទៀនវស្សា ០១គូ គ្រឿងឧបភោគបរិភោគមួយចំនួន និងបច្ច័យ ១៥ម៉ឺនរៀល ។ដោយពិធីនេះបានរៀបចំធ្វើឡើងក្នុងវត្តធម្មសុវណ្ណរង្សី សិរីមង្គលហៅវត្តក្របីរៀលស្រុកជីក្រែង ខេត្តសៀមរាប ។ 
មានប្រសាសន៍សំណេះសំណាលនាឱកាសនោះឯ.ឩ ង៉ែត នរិន្ទ ប្រធាន កត្តិយស គណះបក្សប្រជាជនកម្ពុជា ចុះជួយស្រុកជីក្រែងនិង ឯ.ឩ សត ណាឌី សមាជិកអចិន្ត្រៃយ៍គណះកម្មាធិការនៃគណះបក្សប្រជាជនកម្ពុជាខេត្តនិងជាប្រធាន ក្រុមការងារខេត្តចុះជួយស្រុកជីក្រែង ខេត្តសៀមរាបក៏បានបញ្ជាក់ថាគណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាប្រមុខដឹកនាំប្រកបដោយគតិបណ្ឌិតដ៏ខ្ពង់ខ្ពស់ទើបប្រទេសជាតិយើងមានការអភិវឌ្ឍន៍ និង រីកចម្រើននៅគ្រប់ទីកន្លែង ។
ដោយ តាមរយៈនៃការអភិវឌ្ឍន៍នេះ បានធ្វើឱ្យប្រជាពលរដ្ឋមានការគាំទ្រ និង បោះឆ្នោតជូនគណបក្សប្រជាជនកម្ពុជា ហើយការយក ចិត្តទុកដាក់លើការ អភិវឌ្ឍន៍ទាំងវិស័យអាណាចក្រ និង ពុទ្ធចក្រ របស់គណបក្សប្រជាជនកម្ពុជា ក៏ដូចជារាជ រដ្ឋាភិបាល កម្ពុជា ក្នុងការ លើកស្ទួយវិស័យព្រះពុទ្ធសាសនានេះរហូតមកដល់បច្ចុប្បន្នកាន់តែមានភាពរីកចម្រើនឡើងគួរឲ្យកត់សម្គាល់ ។ 
នៅក្នុងឱកាសនាំយកនូវ ទៀនវស្សាចំនួន៣៤គូ និងទ័យ្យទាន គ្រឿងឧបភោគបរិភោគ ទៅវេរប្រគេនព្រះសង្ឃ ចំនួន៣៤វត្ត ក្នុងទូទាំងស្រុកជីក្រែងខេត្តសៀមរាបឯ.ឩ ង៉ែត នរិន្ទ និង ឯ.ឩ សត ណាឌី ព្រមទាំងក្រុមការងារគណះបក្សប្រជាជនកម្ពុជាខេត្តចុះជួយស្រុកជីក្រែង និង សមាជិក សមាជិកា ក្នុងជួរគណះបក្សប្រជាជនស្រុកជីក្រែងទាំងអស់ ក៏បានចែកជូនក្រណាត់ស១ដុំនិងថវិកាចំនួន៥ពាន់រៀលដល់តាជី យាយជី ចំនួន ២០០នាក់ដែលបានចូលរួមផងដែរ ៕ អត្ថបទ និង រូបភាព លោក ខេង ខេមរា
