ខេត្តកំពង់ធំ៖ ក្រោមការយកចិត្តទុកដាក់របស់រាជរដ្ឋាភិបាល មកលើពលករចំណាក់ស្រុក បានជម្រុញឲ្យតាមមន្ទីរពាក់ព័ន្ឋ សហការគ្នាក្នុងការជម្រុញឲ្យ ពលករដែលមាន បំណងចង់ទៅធ្វើការនៅប្រទេថៃ ស្របច្បាប់តាមកាណែនាំរបស់ក្រសួងការងារ និងក្រុមហ៊ុនពាក់ព័ន្ឋ ឲ្យពលករទទួលបានសិទ្ធិក្នុងការ រស់នៅជាពលករស្របច្បាប់ក្នុងប្រទេសថៃ និងទទួលបានសិទ្ធិឃុំគ្រងតាមច្បាប់ព្រះរាជាណាចក្រថៃ។
ទើបមានពិធីសំណេះសំណាល ជាមួយពលករខ្មែរ ចំនួនជាង៤០០នាក់ ស្ថិតនៅក្នុងសាលាស្រុកប្រាសាទសំបូរ ខេត្តកំពង់ធំ ក្រោយអធិបតីភាព ឯកឧត្តម ហ៊ឺ វិរៈ អនុរដ្ឋលេខាធិការ ក្រសួងវប្បធម៌ និងវិចិត្រសិល្បះ និង លោកជំទាវ ឃុន វ៉ារី អនុរដ្ឋលេខាក្រសួងឧស្សាហកម្ម និងសិប្បកម្ម លោក ខៀវ ប៉ាង អភិបាលស្រុក ប្រាសាទសំបូរ និងមន្ទីរពាក់ព័ន្ឋកងកម្លាំងប្រដាប់អាវុធចូលរួមផងដែរ កាលពីព្រឹកថ្ងៃទី ១២ ខែ កក្កដា ឆ្នាំ ២០១៤ ។
បន្ទាប់ពីលោក ខៀវ ប៉ាងបានមានមតិស្វាគមន៍ លោក អៀង សុភាព ប្រធានមន្ទីរការងារ និងបណ្តុះបណ្តាល វិជ្ជាជីវៈ ខេត្តកំពង់ធំ បានសំណេះសំណាល បកស្រាយចម្ងល់នូវបញ្ហាពាក់ព័ន្ឋទៅនិង ការរៀបចំលិខិតស្នាម និងការបំពេញបែបបទ ចូលទៅធ្វើការនៅប្រទេសថៃ ដោយស្របច្បាប់ និងទទួលបានសិទ្ធិដូចពលរដ្ឋថៃ លោក បានបញ្ជាក់ថា សូមបងប្អូនចង់ចាំថា ក្រុមហ៊ុនស្របច្បាប់ ដែលមានសិទ្ធិបញ្ជូនពលករទៅបំពេញការងារនៅប្រទេសថៃមានត្រឹមតែ ៤៩ ក្រុមហ៊ុនដែលបានចុះបញ្ជីជាមួយនិងក្រសួងការងារ និងទទួលស្គាល់ ពី
រាជរដ្ឋាភិបាល ចំពោះពលករដែលមានបំណងទៅធ្វើការនៅប្រទេសថៃ តាមរយះក្រុមហ៊ុនគឺពុំតម្រូវឲ្យបង់ ចាយវាយអ្វីទាំងអស់ ក្រុមហ៊ុនជាអ្នកចំណាយ ចំណែកបងប្អូនដែលទៅធ្វើការតាមរយះ បងប្អូន ដែលមាន ក្រុមហ៊ុនរបស់ថៃធានា ត្រូវបង់ថវិកាចំនួន៤ ដុល្លាសម្រាប់ការធ្វើប៉ាស្ព័រ ឯកសារសម្រាប់ធ្វើប៉ាស្ព័រមាន អត្ត សញ្ញាណប័ណ្ណ សៀវភៅគ្រួសារ សៀវភៅស្នាក់នៅ សំបុត្រកំណើត និងសូមកុំឲ្យជឿលើការអូសទាញ របស់ បុគ្គលដែលមានបំណងគេងប្រវ័ញ្ច នាំឲ្យខាតបង់ពេលវេលា និងពុំមានសុវត្តិភាពការងារ ចំណាយថវិការឥត ប្រយោជន៍ ។
ឯកឧត្តម ហ៊ឺ វិរៈ អនុរដ្ឋលេខាធិការ បានមានប្រសាសន៍ផ្តាំផ្ញើរ ឲ្យពលករទាំងអស់បញ្ឈប់ជាបន្ទាន់នូវការជឿ លើប្រពៃណីមេខ្យល់ ដឹកនាំអូសទាញដោយមិនស្របច្បាប់ និងត្រូវទំនាក់ទំនងមក ខាងមន្ទីរការងារក្នុងខេត្ត កំពង់ធំ ដើម្បីស្នើសុំពាក្យដាក់សិទ្ធិទទួលបានការធានារ៉ាប់រង ចេញទៅធ្វើការងារនៅប្រទេសថៃដោយស្រប ច្បាប់ និងទទួលស្គាលពីព្រះរាជណាចក្រថៃ និងសុំឲ្យមន្ទីរពត៌មានខេត្តបញ្ឈប់ជាបន្ទាន់នូវប្រព័ន្ឋផ្សព្វផ្សាយ តាមវិទ្យុ របស់ក្រុមហ៊ុននាំពលករទៅប្រទេសថៃ ដោយសារតែនេះជាគោលការថ្មី របស់រាជរដ្ឋាភិបាល ដោយមិនចាំបាច់ឲ្យ
ពលករចំណាយថវិការលើសពីច្បាប់កំណត់នោះទេ ដើម្បីចៀសវាងការឆ្លៀតឳកាស របស់បុគ្គលមួយចំនួន លួចធ្វើអជីវកម្មទាំងបំពាន់ច្បាប់ ជាចុងក្រោយឯកឧត្តម បានបញ្ជាក់ថា ចំពោះពលករដែលជួយប្រទះនិងបុគ្គលណាអែបអាងថាជាភ្នាក់ងារក្រុមហ៊ុន និងតម្រូវឲ្យបង់ប្រាក់សម្រាប់ការនាំទៅធ្វើ ពលករនៅថែនោះ សូមរាយការមកតាមឃុំ សង្កាត់ ឬសមត្ថកិច្ចជាបន្ទាន់។