ស្ទឹងត្រែង៖ប្រជាពលរដ្ឋ ខេត្តស្ទឹងត្រែងនាំគ្នាគាំទ្រពិធីបុណ្យបរមរតនកោដ្ឋនរោត្តមសីហនុព្រះមហាក្សត្យនៃ ព្រះ រាជាណាចក្រកម្ពុជាដែលខេត្តស្ទឹងត្រែងរៀបចំធ្វើនៅល្ងាចថ្ងៃទី១១ និងព្រឹកថ្ងៃទី១២ខែកក្កដាឆ្នាំ២០១៤នេះ។ គណៈកម្ម ការបុណ្យថ្នាក់ខេត្ត រៀបចំបុណ្យជាតិ-អន្តរជាតិ បានរៀបចំពិធីបុណ្យបង្សុកូល និងរាប់បាត្រ ព្រះសង្ឃចំនួន 49អង្គ នៅវត្តស្រះកែវមុនីវណ្ណ(ហៅថាវត្តលើ) ដើម្បីឧទ្ទិសមហាកុសល ជូនព្រះវិញ្ញាណក្ខន្ធបរមរតនកោដ្ឋនរោត្តម សីហនុ។
ព្រះតេជគុណ នូ ចាន់ថា ព្រះមេគណ ខេត្តស្ទឹងត្រែងមានសង្ឃដីការថា៖ នេះជាបុណ្យជាតិ សំរាប់ កូនខ្មែរគ្រប់រូបដែលរៀបចំធ្វើឡើងក្នុងនៃសំដែងការដឹងគុណដល់ព្រះករុណា សម្តេចព្រះនរោត្តម សីហនុ នៃព្រះរាជាណាចក្រកម្ពុជា។ ព្រះតេជគុណ ព្រះគ្រូមេគណខេត្ត មានសង្ឃដីការទៀតថា ព្រះរាជពិធីដង្ហែរ និងតម្កល់ ព្រះបរមអដ្ឋិ របស់ព្រះករុណា សម្តេចព្រះនរោត្តម សីហនុ មានពលរដ្ឋខ្មែរយើងចូល រួមរាប់ម៉ឺននាក់ជាពិសេសកុលបុត្រខ្មែរនៅទូទាំងប្រទេសបាននាំគ្នាធ្វើនៅតាមទីអារាមក្នុងវត្តនិមួយៗនាំយកគ្រឿងបរិភោគឧប ភោគ ចំណីអាហារសព្វបែបយ៉ាងមកសំដែងការដឹងគុណចំពោះព្រះករុណាទិគុណដែលមិនអាចកាត់ថ្លៃបានដក់ជាប់នៅក្នុងបេះដុងកូនខ្មែរគ្រប់ៗរូបទៅតាមប្តពៃណីព្រះពុទ្ធសាសនា។ 
លោកមៀចអ៊ាងអនុប្រធានមន្ទីរធម្មការនិងសាសនាខេត្តបញ្ជាក់ថា៖ ព្រះរាជ ពិធីនេះ មានវត្តមានថ្នាក់ដឹកនាំអភិបាលរងខេត្តសមាជិកក្រុមប្រឹក្សាខេត្ត មន្ទីរអង្គភាពជុំវិញខេត្តមន្ត្រីរាជការថ្នាក់ដឹកនាំមន្ទីរធម្មការ និងសាសនា ព្រមទាំង ប្រជាពលរដ្ឋ សិស្ស និស្សិត ព្រះសង្ឃ មកពីបណ្តាវត្តផ្សេងៗក្នុងខេត្តនិមន្ត និងអញ្ជើញចូលរួមជាច្រើនថែមទៀត នៅព្រឹកថ្ងៃសៅរ្ត៍ទី១២កក្កដាឆ្នាំ២១០១៤ធ្វើពិធី រាប់បាត្រ ដល់ព្រះសង្ឃ ចំនួន៤៩អង្គ។ 
លោក អនុប្រធានមន្ទីរធម្មការមន្ត្រីតំណាងឲ្យគណៈកម្មការរៀបចំពិធីបុណ្យថ្នាក់ខេត្ត ប្រកាសថា នៅថ្ងៃទី១១ និងទី១២ ខែកក្កដា គឺជាព្រះរាជពិធីដង្ហែ និងតម្កល់ព្រះបរមអដ្ឋិ នៅទីតាំងព្រះចេតិយ នៃបរិវេណ ព្រះវិហារព្រះកែវមរកត ដើម្បីប្រារព្ធព្រះរាជពិធីបុណ្យ ទៅតាមព្រះរាជប្បវេណីជាតិ និងសាសនា ហើយ ព្រះរាជពិធីនេះមានរយៈពេល ៣ថ្ងៃ គឺចាប់ពីថ្ងៃទី១០ ដល់ថ្ងៃទី១២ ខែកក្កដា ដោយមានកម្មវិធីបាញ់កាំជ្រួច និងបាញ់កាំភ្លើងធំ នៅពេលដង្ហែរ និងបញ្ចុះព្រះបរមអដ្ឋិនេះផង៕
