ខេត្តព្រះវិហារ ៖ គ្រោះថ្នាក់ចរាចរមួយកើតទ្បើងគួរអោយរន្ធត់រវាងរថយន្តយីឌុប១គ្រឿងបើកបរមកពីទីរួមខេត្តព្រះវិហារបានមកបុករថយន្ដមួយគ្រឿងទៀតពេញទំហឹងខណះដែលកំពុងចតនៅស្តាំដៃរបស់ខ្លួនដោយមិនបានសញ្ញាសំគាល់អ្វីនោះទេកាលពីវេលាម៉ោង១០យប់ថ្ងៃទី១១កក្កដា២០១៤ស្ថិតនៅភូមិពោធិ៍ឃុំរមណីយស្រុករវៀងខេត្តព្រះវិហារ។ករណីគ្រោះថ្នាក់ចរាចរនេះបណ្តាលអោយកម្មករលើកឈើ២នាក់បានស្លាប់និងកម្មករប្រុសស្រី៤នាក់ផ្សេងទៀតរងរបួសធ្ងន់ស្រាល។ 
តាមសាក្សីបានអោយដឹងថារថយន្ដយីឌុប១គ្រឿងដែលចតនៅតាមដងផ្លូវជារបស់ក្រុមហ៊ុនវិនិយោគដាំកៅស៊ូរបស់ឧកញ៉ាអានម៉ារឌីដោយនៅក្នុងរថយន្ដនោះផ្ទុកទៅដោយឈើខុសច្បាប់ពេញណែនផងដែរ។គ្រោះថ្នាក់នេះបណ្តាលមកពីតៃកុងរថយន្ដក្រុមហ៊ុនអានម៉ារឌីមានការធ្វេសប្រហែសមិនបានដាក់ស្លាកសញ្ញាសំគាល់គ្រប់គ្រាន់នៅពីមុខនិងក្រោយរថយន្ដដែលចតនៅលើដងផ្លូវជាតិលេខ៦២ទើបបណ្តាលអោយរថយន្ដ១ទៀតបើកលឿននៅពេលយប់មិនបានប្រយ័ត្នក៍មកបុកពីក្រោយពេញទំហឹងតែម្ដងហើយរថយន្តបង្កខូចខាតកាប៊ីនមុខយ៉ាងដំណំ។
សមត្ថកិច្ចមូលដ្ឋានបានអោយដឹងថាគ្រោះថ្នាក់ចរាចរខាងលើកើតទ្បើងចំពេលមេឃកំពុងភ្លៀងផងដែរបណ្តាលអោយកម្មករម្នាក់ស្លាប់នៅនឹងកន្លែងហើយជនរងគ្រោះម្នាក់ទៀតស្លាប់បាត់បង់ជីវិតនៅមន្ទីរពេទ្យបង្អែកខេត្តព្រះវិហារដោយសារមុខរបួសធ្ងន់ធ្ងរពេក។រីឯជងរងគ្រោះ៤នាក់ទៀតត្រូវបានក្រុមហ៊ុនបញ្ជូនទៅកាន់មន្ទីរពេទ្យខេត្តកំពង់ធំដើម្បីសង្គ្រោះព្យាបាលបន្ទាន់។
តំណាងក្រុមហ៊ុនអានម៉ារឌីម្នាក់បានប្រាប់អ្នកសារព័ត៌មានយ៉ាងខ្លីនៅព្រឹកថ្ងៃទី១២កក្កដា២០១៤ថាករណីគ្រោះថ្នាក់ចរាចរនេះភាគីទាំងពីរកំពុងជួបដោះស្រាយគ្នា។រថយន្ដបង្កទាំង២គ្រឿងនឹងយកទៅរក្សាទុកនៅអធិការដ្ឋាននគរបាលស្រុករវៀង។ឈើនៅក្នុងរថយន្ដយីឌុបពេញណែនទាំងនោះមិនដឹងថាមានច្បាប់រឺអត់ច្បាប់នោះទេដោយអ្នកសារព័ត៌មានមិនអាចទំនាក់ទំនងសួរនាំម្ដងទៀតបានដោយហៅទូរស័ព្ទចូល២ដងមិនលើកទទួលនៅរសៀលថ្ងៃទី១២កក្កដា២០១៤។
រហូតមកដល់ព្រឹកថ្ងៃទី១២កក្កដា២០១៤ជនរងគ្រោះទាំង៤នាក់មិនទាន់បានដឹងពីអត្តសញ្ញាណនោះទេរីឯសពជនរងគ្រោះទាំង២នាក់ខាងសមត្ថកិច្ចនគរបាលមូលដ្ឋានបានអោយដឹងថាទី១ឈ្មោះយ៉ែមរ៉ុនភេទប្រុសអាយុ៤៥ឆ្នាំស្រុកកំណើតនៅស្រុកឆ្លូងខេត្តក្រចេះនិងទី២ឈ្មោះចាបទ្បាភេទប្រុសអាយុ១៧ឆ្នាំមានស្រុកកំណើតនៅខេត្តក្រចេះដូចគ្នា៕
