បន្ទាយមានជ័យ:យុទ្ធនាការណ៍បង្ក្រាប់គ្រឿងញៀនរបស់សមត្ថកិច្ចខេត្តបន្ទាយមានជ័យកើតទ្បើងជាបន្តបន្ទាប់ធ្វើអោយជនប្រព្រឹត្តនិងអ្នកប្រើប្រាស់ត្រូវបានចាប់ខ្លួនច្រើននាក់។ជាក់ស្តែងកាលពី៨ យប់ ថ្ងៃទី៩ ដល់ថ្ងៃទី១១ ខែកក្កដា ឆ្នាំ២០១៤ នៅភូមិគោរដ្ឋាន សង្កាត់អូរអំបិល ក្រុងសិរីសោភ័ណ និងនៅឃុំឫស្សីក្រោក ស្រុកមង្គលបូរី ព្រមទាំងនៅកន្លែង ជាច្រើនទៀត។ កម្លាំងការិយាល័យស្រាវជ្រាវ ប្រឆាំងគ្រឿងញៀន កងរាជអាវុធហត្ថ ខេត្តបន្ទាយ មានជ័យ បង្ក្រាប បានក្រុមជនសង្ស័យ ជួញដូរគ្រឿងញៀន ចំនួន ៤ នាក់ និងអ្នក ប្រើប្រាស់សារធាតុញៀន ចំនួន ១៤ នាក់។
លោក ធៀម ភក្ដី នាយការិយាល័យស្រាវជ្រាវប្រឆាំងគ្រឿងញៀន កងរាជអាវុធហត្ថ ខេត្តបន្ទាយមានជ័យ អោយដឹងថា ដំបូងទ្បើយក្តោមការបញ្ជារបស់លោក ឱ បូរិន្ទ មេបញ្ជាការអាវុធហត្ថខេត្តបានឃាត់ខ្លួនយុវជន ២ នាក់ ១. ឈ្មោះ គឹម សុធន់ ហៅ ម៉ាប់ អាយុ ១៨ ឆ្នាំ រស់នៅភូមិសូភី សង្កាត់កំពង់ស្វាយ ក្រុងសិរីសោភ័ណ និង២. ឈ្មោះ គួង លឹមសេង អាយុ ១៩ ឆ្នាំ រស់នៅផ្ទះលេខ ៤៥២ ផ្លូវលេខ ២០០២ ភូមិស្លែងរលើង សង្កាត់ទឹកថ្លា ខ័ណ្ឌសែនសុខ រាជធានីភ្នំពេញបានទាំងវត្ថុតាង និងសម្ភារៈ រួមមានៈ គ្រឿងញៀន មេតំហ្វេតាមីន គ្រាប់ចំនួន ១៧.៥ គ្រាប់។
គ្រឿងញៀនមេតំហ្វេតាមីនទឹកកក ចំនួន ២ កូនថង់ ស្មើនឹង ០,៤ ក្រាម ព្រមទាំងមធ្យោបាយ មានម៉ូតូ១គ្រឿង ទូរស័ព្ទ ៣ គ្រឿង និងសម្ភារៈ សម្រាប់ជក់គ្រឿងញៀន មួយចំនួន។ ក្រោយការឃាត់ជនសង្ស័យឈ្មោះ គឹម សុធន់ ហៅ ម៉ាប់ បានសរភាពពីបក្ខពួកទើបនាំអោយមានការ ឃាត់ខ្លួនជនសង្ស័យជួញដូរគ្រឿងញៀន គឺបុរស ២ នាក់ទៀត ១.ឈ្មោះ អែម វុត្ថា អាយុ ២៥ ឆ្នាំ និង ២. ឈ្មោះ ជ័យ ឈីវាន់ឈីវ អាយុ ១៦ ឆ្នាំ។ ទាំង២នាក់ មានទីលំនៅ ក្នុងភូមិផាស៊ីស្រា ឃុំឫស្សីក្រោក ស្រុកមង្គលបូរី។
សមត្ថកិច្ចបានរឹបអូសសម្ភារៈវត្ថុតាង រួមមាន គ្រឿងញៀនមេតំហ្វេតាមីនទឹកកកចំនួន ១ កូនថង់ស្មើនឹង ៤ក្រាម និងរឹបអូសមធ្យោបាយម៉ូតូមួយគ្រឿង និងទូរស័ព្ទ ៣ គ្រឿង។បន្ទាប់ពីាប់បានអ្នកជួញដូរសមត្ថិកិច្ចបានឈានទៅដល់ឃាត់ខ្លួន ជនសង្ស័យជាអ្នក ប្រើប្រាស់បំពាន សារធាតុញៀនចំនួន ១៤ នាក់ ទៀតនៅក្នុងទីតាំងក្រុងសិរីសោភ័ណ។
លោក ឱ បូរិន្ទ មេបញ្ជាការប៉េអឹមខេត្ត បានបញ្ជក់អោយដឹងថាដើម្បីលុបបំបាត់នៅការជួញដូរនិងការប្រើប្រាស់គ្រឿងញៀនលោកបានដាក់វិធានការណ៍ជាបន្តបន្ទាបក្នុងការបង្ក្រាបជាលទ្ធផលសមត្ថិកិច្ច លោកបង្ក្រាបបានជាបន្តបន្ទាបហើយចំពោះករណីនេះបានកសាងសំណុំរឿង បញ្ជូនជនសង្ស័យ ទាំងអស់ ទៅសាលាដំបូងខេត្ត រួចហើយ៕ អ ពៅ