ខេត្តព្រះវិហារ៖ នាព្រឹកថ្ងៃទី១៤ ខែកក្កដា ឆ្នាំ២០១៤ឯកឧត្តម សាយ សំអាល់ រដ្ឋមន្ត្រីក្រសួងបរិស្ថានដោយមានការចូលរួមឯកឧត្តម ស៊ុយ សារិទ្ធិ អភិបាលរងខេត្តព្រះវិហារ អស់លោកមន្ទីរពាក់ព័ន្ឋជុំវិញខេត្ត នឹងប្រជាពលរដ្ឋប្រជាសហគមន៍ជីអោកបឹងប្រីយ៍ជិត ៥០០នាក់ ក្នុងពិធីសម្ពោធដាក់ឲ្យប្រើប្រាស់សួនបណ្តុះកូនឈើសហគមន៍តំបន់ការពារធម្មជាតិជីអោកបឹងប្រីយ ។ ឯកឧត្តម ចាយ សាមិត្ត ប្រតិភូរាជរដ្ឋាភិបាលទទួលបន្ទុកអគ្គនាយដ្ឋានរដ្ឋាបាលការពារ និងអភិរក្សធនធានធម្មជាតិបានឡើងអានរបាយការណ៍ស្តីពីវឌ្ឍនភាពគម្រោងរបស់ក្រសួងបរិស្ថាន ។ 
ឯកឧត្តម ស៊ុយ សារិទ្ធិ អភិបាលរងខេត្តបានមានមតិស្វាគមន៍នឹងអានរបាយការណ៍ស្តីពីការរីកចំរើនលើគ្រប់វិស័យនូវហេដ្ឋារចនាសម្ព័ន្ធនានាដែលប្រជាពលរដ្ឋនៅក្នុងខេត្តព្រះវិហារទទួលបានពីរាជរដ្ឋាភិបាលដែលមានសម្តេចតេជោ ហ៊ុន សែន និងជាមគ្គុទេសដ៍ឆ្នើមក្នុងការដឹកនាំប្រទេសជាតិឆ្ពោះទៅរកសុខសន្តិភាព លទ្ធិប្រជាធិបតេយ្យ និងការរីកចំរើន ឯកឧត្តម សាយ សំអាល់ រដ្ឋមន្ត្រីក្រសួងបរិស្ថានសំណេះសំណាល និងធ្វើការផ្តាំផ្ញើដល់ប្រជាសហគមន៍ជីអោកបឹងប្រីយ៍ឲ្យជួយថែរក្សាការពារសម្បត្តិធនធានធម្មជាតិ និងចេះប្រើប្រាស់ធនធានទាំងនេះឲ្យស្របទៅតាមបទដ្ឋាបបច្ចេកទេស ។ ថ្ងៃនេះយើងបានធ្វើពិធីសម្ពោធសួនបណ្តុះកូនឈើ និងដាំកូនឈើបន្ថែមទៀត ។ 
ឯកឧត្តមរដ្ឋមន្ត្រីបានបន្តថាៈ ដើម្បីអភិរក្សធនធានធម្មជាតិ និងអភិរក្សជីវៈចំរុះដ៍សំបូរបែបឲ្យបានគង់វង្ស ត្រូវមានការចូលរួមគ្រប់ផ្នែកពាក់ព័ន្ធទាំងអស់ ហើយប្រជាសហគមន៍ក៍មានជីវភាពធូរធារបានមួយកំរិតទៀតដោយសារការទាញយកផលពីផលអនុផលព្រៃឈើ ។ ឯកឧត្តមរដ្ឋមន្ត្រីក៍បានណែនាំដល់ប្រជាសហគមន៍ផងដែរថាៈ ការទាញយកផលអនុផលព្រៃឈើតែមួយមុខមិនទាន់បានគ្រប់គ្រាន់នៅឡើយទេ ត្រូវសហការជាមួយមន្ទីរកសិកម្មដើម្បីចិញ្ចឹមសត្វពាហនៈបន្ថែមទៀត ដូចជា សត្វពពែ សត្វគោ ជាដើមនិងខិតខំបណ្តុះកូនឈើហូបផ្លែបន្ថែមទៀត ដើម្បីលក់បានកំរៃជួយទ្រទ្រង់ជីវភាពគ្រួសារ ។ នៅក្នុងឱកាសនោះឯកឧត្តមក៍បានចែកអំណោយដែលជាអំណោយរបស់លោកឧកញ្ញ៉ា ទ្រី ភាព អគ្គនាយកក្រុមហ៊ុន ទ្រី ភាព គ្រុប ដល់ប្រជាសហគមន៍ចំនួន ៤៥០នាក់ ក្នុងម្នាក់ទទួលបានសារុងមួយ និងថវិការ១០០០០ រៀលផងដែរ ។ ឆន ធារ៉ា
