កាលពីថ្ងៃទី១៣ខែកក្កដា តុលាការខេត្ត Damietta ស្តិតនៅតំបន់ខ្ពង់រាមដងទន្លេរនីល បានប្រកាស់សាលក្រម ដាក់គុក៣ឆ្នាំដល់មនុស្ស១០១នាក់ដែលជាអ្នកគាំទ្រអតីតប្រធានាធិបតីMohamed Morsi។ អ្នកដែលត្រូវដាក់ទោសជាប់ចោទពីបទ ធ្វើបាតុកម្មខុសច្បាប់បង្ករឲ្យមានហឹង្សា ក្រោយ
មានការប៉ះទង្គិចកាលពីថ្ងៃទី៣ខែកក្កដាឆ្នាំ២០១៣ សម្លាប់មនុស្ស១៨នាក់។ កាលពីសប្តាហ៍មុន អ្នកគាំទ្រលោកមឺស៊ីជាង៥០នាក់ក៏ត្រូវកាត់ទោសជាប់ពន្ធនាគារយៈពេល៥ឆ្នាំពីបទបំផុះបំផុលប្រឆាំងរដ្ឋាភិបាលយោធាក្រោយរដ្ឋប្រហារ។ ចាប់តាំងពីកម្លាំងទាហានអេហ្ស៊ីបក្តោបក្តាប់អំអាចមុនពេលបោះឆ្នោត មានអ្នកស្លាប់ដល់ទៅ១៤០០នាក់ភាគច្រើនជាក្រុមបាតុករបង្អូនអ៊ិស្លាម រងការបង្គ្រាមពីទាហានរដ្ឋាភិបាល។
ក្រុមបាតុករប្រមាណ១៦ពាន់នាក់ត្រូវចាប់ខ្លួន។ បាតុករជាង២០០នាក់ត្រូវកាត់ទោសប្រហារជីវិតដោយក្នុងនោះមានទាំងមេដឹកនាំជាន់ខ្ពស់ក្រុមបង្អូន អ៊ិស្លាមលោកMohamed Badie ផងដែរ។ ក្រោយពេលក្រុមបង្អូនអ៊ិស្លាមត្រូវបានរំលាយ ក្រុមនេះបានបើកការវាយប្រហារអត់ឈប់ឈរសម្តៅទៅលើទាហាននិងប៉ូលិសរដ្ឋាភិបាលជាង៥០០នាក់បាត់បង់ជីវិត។
