ក្រុមប្រឹក្សាសន្ដិសុខអង្គការសហ ប្រជាជាតិកាលពីថ្ងៃទី១៣ ខែកក្កដា បាន ជំរុញឱ្យអ៊ីស្រាអែល និងក្រុមហាម៉ាស់ ត្រូវតែបញ្ឈប់អរិភាពរបស់ពួកគេនៅ ក្នុងតំបន់ហ្គាហ្សា ដោយអំពាវនាវភាគី ទាំងពីរត្រូវតែគោរពស្ដីអំពីច្បាប់ មនុស្សជាតិអន្ដរជាតិ ។ នៅក្នុងសេចក្ដីសម្រេចជាឯកច្ឆន្ទ
សមាជិកក្រុមប្រឹក្សាសន្ដិសុខអង្គការ សហប្រជាជាតិទាំង១៥រូបបានអំពាវ នាវឱ្យបញ្ឈប់ជាបន្ទាន់អំពើហិង្សាដែល សម្លាប់មនុស្សរាប់រយនាក់ ព្រមទាំង ជំរុញឱ្យស្ថានការណ៍នៅទីនោះវិលទៅ រកកិច្ចព្រមព្រៀងឈប់បាញ់ដូចកាលពី ខែវិច្ឆិកា ឆ្នាំ២០១២។ ជាមួយគ្នានេះ ក្រុមប្រឹក្សាសន្ដិសុខក៏បានសម្ដែងការ ព្រួយបារម្ភចំពោះទៅដល់ការការពារ អាយុជីវិតជនស៊ីវិល និងទ្រព្យសម្បត្ដិ របស់ពលរដ្ឋពីភាគីទាំងពីរផងដែរ ។
សេចក្ដីប្រកាសរបស់ក្រុមប្រឹក្សា សន្ដិសុខនាពេលនេះធ្វើឡើងចំពេល ដែលមានព័ត៌មានថា ជនប៉ាឡេស្ទីន ៨នាក់ថែមទៀតបានបាត់បង់ជីវិតនៅ ក្នុងការវាយឆ្មក់របស់អ៊ីស្រាអែលចូល ទៅកាន់តំបន់ហ្គាហ្សាស្រ៉ីពកាលពីថ្ងៃទី១២ ខែកក្កដា ធ្វើឱ្យជនប៉ាឡេស្ទីនស្លាប់កើន ដល់១៣៥នាក់ និងរងរបួស៩៥០នាក់។ អ៊ីស្រាអែលបានបាញ់ប្រហារក្នុង សកម្មភាពដែលបានលើកឡើងថា ជា ប្រតិបត្ដិការការពារខ្លួនតាំងពីថ្ងៃអង្គារ សបា្ដហ៍មុនមកម្ល៉េះក្នុងបំណងបញ្ឈប់ ការបាញ់រ៉ុក្កែតឆ្លងកាត់ចូលតំបន់ ព្រំដែនពី កម្លាំងក្រុមឧទ្ទាម ។
នៅខណៈនេះដែរក្រុមឧទ្ទាមនៅតំបន់ ហ្គាហ្សាបានបាញ់រ៉ុក្កែតប្រមាណ៥២៥ គ្រាប់ចូលទៅកាន់ទឹកដីអ៊ីស្រាអែល ប៉ុន្ដែ ពុំមានសេចក្ដីរាយការណ៍ថាបណ្ដាលឱ្យបាត់ បង់ជីវិតជនអ៊ីស្រាអែលនោះឡើយ ។ មន្ដ្រីយោធាអ៊ីស្រាអែលបានថ្លែងថា គ្រាប់រ៉ុក្កែតប្រមាណ១៣៨ដើមត្រូវប្រព័ន្ធ កាំជ្រួចមីស៊ីលការពារ Iron Dome ស្ទាក់ចាប់បាន ហើយបំផ្លាញចោល
