កីឡាករ Sami Khedira ត្រូវបានគេរាយការណ៍ថា បានឈានដល់កិច្ចព្រមព្រៀងលើការផ្លាស់ពីក្លិបអធិរាជស Real Madrid ទៅកាន់ក្លិបកាំភ្លើងធំ Arsenal ហើយបន្ទាប់ពីក្រុមឥន្ទ្រីដែកអាល្លឺម៉ង់គ្រងជើងឯកពានរង្វាន់ World Cup ឆ្នាំ ២០១៤ នេះ ។ យោងតាមសេចក្តីរាយការណ៍កាលពី
សប្តាហ៍មុនបានអះអាងថា ក្លិបកាំភ្លើងធំ Arsenal អាចនឹងបរាជ័យ លើការនាំយកខ្សែបម្រើវ័យ២៧ឆ្នាំរូបនេះដោយសារតែបញ្ហាតម្លៃប្រាក់ពលកម្មដែលជាហេតុធ្វើឲ្យក្លិបតោខៀវ Chelsea មានចំណាប់អារម្មណ៍ចង់បានកីឡាករនេះដូចគ្នា ។ ទោះបីជាយ៉ាងណាក៏ដោយ យោងតាមសារព័ត៌មានកីឡារបស់អេស្ប៉ាញបានចុះផ្សាយថា ក្លិប Real Madrid បានឈានដល់កិច្ចព្រមព្រៀងជាមួយ Arsenal លើការលក់ Khedira ដែលត្រូវបានគេរំពឹងថានឹងចុះកិច្ចសន្យា រយៈពេល៤ឆ្នាំនៅទឹកដី Emirates ។ គួរបញ្ជាក់ថា ការចាកចេញពីទឹកដី Bernabeu របស់ Khedira នេះគឺបណ្តាលមកពីរូបគេមិនសូវជាបាន ចូលលេងជាជម្រើស១១នាក់ដំបូងឲ្យ Real Madrid ៕