ថ្ងៃទី ១៤ ខែកក្កដាឆ្នាំ២០១៤ នៅក្នុងសាលប្រជុំសាលាខេត្តពោធិ៍សាត់ បានបើកកិច្ចប្រជុំសាមញ្ញក្រុមប្រឹក្សាខេត្តលើកទី២ឆ្នាំទី១អាណត្តិទី២ដែលពិធីនេះស្ថិតក្រោមអធិបីតីឯកឧត្តមខូយសុខាប្រធានក្រុមប្រឹក្សាខេត្តពោធិសាត់ដែលមានការអញ្ជើញចូលរួមពីឯកឧត្តមលោកជំទាវ ជា
សមាជិកក្រុមប្រឹក្សាខេត្តចំនួន១៤រូប និង ឯកឧត្តម អភិបាលនៃគណអភិបាលខេត្តពោធិ៍សាត់ និងឯកឧត្តម លោកស្រីជាអភិបាលរងខេត្ត។ តាមរបៀបវីរ: នៃអង្គប្រជុំដែល ទីមួយ ក្រុមប្រឹក្សាបានអនុមត័លើសេចក្តីព្រាងកំនត់ហេតុ កិច្ចប្រជុំសាមញ្ញលើកទី១ ឆ្នាំទី១អាណត្តិទី២ ក្រុមប្រឹក្សាខេត្ត និងទីពីរ អនុមត័លើសេចក្តី ព្រាងបទបញ្ជាផ្ទៃក្នុងរបស់ក្រុមប្រឹក្សាខេត្តអាណត្តិទី២និងអនុមត័សេចក្តីព្រាងប្រតិទិន ការងារឆ្នាំទី១អាណត្តិទី២ និងបញ្ហាផ្សេងៗ ។
មានមតិបូកសរុបអង្គប្រជុំឯកឧត្តមខូយសុខាប្រធានក្រុមប្រឹក្សាខេត្តបានកោត សរសើរនិងវាយតម្លៃខ្ពស់ចំពោះការខិខំប្រឹងប្រែងរបស់ឯកឧត្តមម៉ៅធនិនអភិបាលនៃ គណអភិបាល ខេត្តពោធិ៍សាត់ ដែលបានដកមន្ត្រីនគរបាលពីរចេញពីតំណែងអធិការង ស្រុកកណ្តៀង១រូបនិងនគរបាលរដ្ឋបាលប៉ុស្តិឃុំថ្មដាស្រុកវាលវែង១រូបដែលកន្លងមក មន្ត្រីទាំងពីររូបនេះបានអនុវត្តផ្ទុយពីរច្បាប់របស់រាជរដ្ឋាភិបាលបានកំណត់ និង
ឯកឧត្តម ក៏បានឯកភាពលើគម្រោង ការកសាងសួនច្បារ ថ្មីដែលបានយកតាមស្តង់ដា រាជធានី ភ្នំពេញ មកអនុវត្តចាប់ពីក្បាលស្ពានថ្មីផ្លូវជាតិលេខ៥ រហូតដល់ក្បាលហុងពោធិ៍សាត់ ដោយឯកឧត្តមអភិបាលខេត្ត បានអំពាវនាវ ដល់អស់លោកអ្នកឧញ៉ាជាច្រើនមកចូលរួម អភិវឌ្ឍន៏ខេត្តពោធិ៍សាត់ ឲ្យបានក្លាយជាទីក្រុងដ៏ស្រស់ស្អាត និងមានរមណីយដ្ឋានល្អ និងជាកន្លែងហាត់ប្រាណរបស់មន្ត្រីរាជការនិងឯកឧត្តម
ក្រុមប្រឹក្សាក៏បានឯកភាពក្នុង សាងសង់កង់ទីនជាប្រវត្តិសាស្ត្រ ដែលធ្វើពីឈើដែលអោបមិនជុំ សម្រាប់មន្ត្រីរាជការ និងភ្ញៀវទេសចរណ៏មកចូលកំសាន្ត ។ ឯកឧត្តម ប្រធានក្រុមប្រឹក្សា ក៏បានកោតសរសើរ ដល់ឯកឧត្តម កើត ឆែ អភិបាលរងខេត្ត បានមានមតិបំពេញបន្ថែម ក្នុងបទបញ្ជាផ្ទៃ របស់ក្រុមប្រឹក្សាដូចជាការដកហូតសមាជិកក្រុមប្រឹក្សាខេត្តអភិបាលនៃគណអភិបាល ខេត្តនិងអភិបាលខេត្តរងនិងការតែងតាំងនិងការដកហូតប្រធានមន្ទីរនិងមន្ត្រីរាជការ ក្នុងខេត្ត ។
