ខេត្តព្រះសីហនុ ព្រឹកថ្ងៃទី១៥ ខែកក្កដា ឆ្នាំ២០១៤ លោក កែវ ឡាយ ប្រធានមន្ទីរអប់រំយុវជន និងកីឡាខេត្តព្រះសីហនុ បានអញ្ជើញពិនិត្យ សកម្មភាពនៃការប្រឡងសញ្ញាបត្រ័មធ្យមសិក្សាបឋមភូមិដែលប្រព្រឹត្តទៅរយះពេលពីរគឺពីថ្ងៃទី១៤ ដល់១៥ ខែកក្កដា ឆ្នាំ២០១៤ នៅវិទ្យាល័យហ៊ុន សែន មិត្តភាព ស្ថិតក្នុងសង្កាត់លេខ៤ ក្រុងព្រះសីហនុ ។
លោកប្រធានមន្ទីរអប់រំបានឲ្យដឹងថា ក្នុងខេត្តព្រះសីហនុមានបេក្ខជន ចូលរួមប្រឡងសញ្ញាបត្រ័មធ្យមសិក្សាបឋមភូមិឆ្នាំសិក្សា២០១៣ ២០១៤នេះ មានចំនួន ១.៩៧១នាក់ ក្នុងក្រុង០១ និងស្រុក០៣ ដែលមាន២៥មណ្ឌលប្រឡង ក្រុងព្រះសីហនុ មាន ០៥មណ្ឌល ស្រុកព្រៃនប់មាន ១៣មណ្ឌល ស្រុកស្ទឹងហាវ ០៣មណ្ឌល និងស្រុកកំពង់សិលា មាន ០៤មណ្ឌល ។ 
លោក កែវ ឡាយបានមានប្រសាសន៌បញ្ជាកថា ការប្រឡងសញ្ញាបត្រ័មធ្យមសិក្សាបឋមភូមិនៅខេត្តព្រះសីហនុ ប្រព្រឹត្តទៅតាមគោលការណ៌របស់ក្រសួងអប់រំ យុវជន និងកីឡា ប្រកបដោយរលូន ដោយមានការសហការពីអាជ្ញាធរមូលដ្ឋាន ក្នុងការចូលរួមថែរក្សាការពារសន្តិសុខសណ្តាប់ធ្នាប់សាធារណះនៅតាមមណ្ឌលប្រឡងនិមួយ ប្រព្រឹត្តប្រកបដោយតម្លាភាព គ្នានភាពអសកម្មណាមួយកើតឡើង ធ្វើឲ្យមានការរំខានដល់ការងារប្រឡងរបស់សិស្សនោះឡើយ ហើយម្យ៉ាងទៀតវិញ្ញាសារទាំងអស់មិនត្រូវបានបែកធ្លាយចេញវិញ្ញាសារមកក្រៅ និងមិនមានមតិរិះគន់ណាមួយអំពីការបែកធ្លាយវិញ្ញាសារទាំងអស់ចេញក្រៅមណ្ឌលប្រឡងនោះឡើយ ។
ការបើកវិញ្ញាសារប្រឡង គឺធ្វើនៅចំពោះមុខបេក្ខជនប្រឡងនៅតាមបន្ទប់និមួយៗផងដែរ មិនមានស្រោមវិញ្ញាសារណាមយយមានការបើកធ្លាយចេញវិញ្ញាសារនោះឡើយ យើងសង្ឃឹមថា ការប្រឡងសញ្ញាបត្រ័បឋមភូមិមធ្យមសិក្សាបឋមភូមិ នៅទូទាំងខេត្តព្រះសីហនុក្នុងឆ្នាំសិក្សា២០១៣ ២០១៤ ប្រកបដោយភាពត្រឹមត្រូវ យុត្តិធម៌ និងតម្លាភាព និងគ្នានការបោះប្រីយុងធ្វើឲ្យមានការរំខានដល់សមត្ថកិច្ចចូលរួមការពារសន្តិសុខឡើយ ។ នៅឆ្នាំសិក្សា២០១២ ២០១៣ នៅខេត្តព្រះសីហនុ មានបេក្ខជនប្រឡងសញ្ញាបត្រ័មធ្យមសិក្សាបឋមភូមិចំនួន២០១៩នាក់ ស្រី ១០០០នាក់ ស្មើនឹង ០៧មណ្ឌល ក្រុងព្រះសីហនុ ០៣មណ្ឌល ស្រុកព្រៃនប់ ០២មណ្ឌល ស្រុកកំពង់សិលា ០១មណ្ឌល និងស្រុកស្ទឹងហាវ ០១មណ្ឌល ៕ 
