គ្រូបង្វឹក Antonio Conte បានសម្រេចចិត្តលាឈប់ពីតួរនាទីដឹកនាំក្លិបសេះបង្កង់ Juventus ដែលបង្កឲ្យ មានការភ្ញាក់ផ្អើលយ៉ាងខ្លាំង ។ លោក Conte បានដឹកនាំ Juventus ឲ្យឈ្នះជើងឯកក្របខណ្ឌ Serie A ៣ឆ្នាំជាប់ៗគ្នាកាលពីរដូវកាលមុន ប៉ុន្តែនៅពេលនេះគាត់បែរជាសម្រេចចិត្តចាកចេញពីក្លិបទៅវិញ ។ ការចាកចេញរបស់លោក Conte បានធ្វើឲ្យមានមជ្ឈដ្ឋានជាច្រើនចោទជាសំណួរថា ហេតុអ្វីក៏គាត់សម្រេចចិត្តធ្វើបែបនេះ ។
ប៉ុន្តែទោះបីជាយ៉ាងណាក៏ដោយ គាត់ត្រូវបានគេជឿជាក់ថា នេះជាសញ្ញាមួយបង្ហាញ លោក Conte អាចនឹងទៅដឹកនាំក្រុមជម្រើសជាតិអ៊ីតាលីនាពេលអនាគត ។ លោក Conte ប្រាប់អ្នកសារព័ត៌មានថា “ខ្ញុំកំពុងគិតពីបច្ចុប្បន្ន ហើយការសម្រេចចិត្តពីរឿងដទៃទៀត ខ្ញុំនឹងប្រាប់នៅពេលក្រោយ” ។ គួរបញ្ជាក់ថា លោក Conte បានចំណាយពេល១៣ឆ្នាំលេងឲ្យសេះបង្កង់ Juventus មុនពេលលោកចូលមក ដឹកនាំក្លិបនេះក្នុងឆ្នាំ ២០១១ ៕
