រដូវកាលវើលខាប់ដែលមានលក្ខណ ចម្រុះពណ៌របស់ប្រេស៊ីលបានបញ្ចប់ទៅ ប៉ុន្ដែពេលនេះរដ្ឋាភិបាលប្រេស៊ីលកំពុង ប្រឈមនូវបញ្ហាជាច្រើនដែលពិភាកក្នុង ការដោះស្រាយ ក្នុងនោះមានសេដ្ឋកិច្ច ធ្លាក់ចុះ ហើយការបោះឆ្នោតប្រធានាធិប តី ក៏កាន់តែខិតមកកៀកទៅហើយ ។ នៅមុនពេលការប្រកួតវើលខាប់ កើតឡើង ពលរដ្ឋប្រេស៊ីលបាននាំគ្នា ដង្ហែក្បួនធ្វើបាតុកម្មប្រឆាំងរដ្ឋាភិបាល ដែលចំណាយប្រាក់យ៉ាងច្រើនរៀបចំការ ប្រកួតបាល់ទាត់ពិភពលោកក្នុងពេល ដែលសេដ្ឋកិច្ចប្រទេសជាតិធ្លាក់ចុះ ។
ប្រព័ន្ធសេវាកម្មសាធារណរបស់រដ្ឋក៏ ថមថយ ។ អ្នកវិភាគនយោបាយប្រេស៊ីលមួយ រូបបានបញ្ជាក់ថា ពេលវេលាសប្បាយ រីករាយរដូវវើលខាប់បានផុតទៅ ពលរដ្ឋ ប្រេស៊ីលពេលនេះកំពុងប្រឈមបញ្ហាជា ច្រើន ពិសេសសេដ្ឋកិច្ចជាតិធ្លាក់ចុះ ។ សកម្មភាពទាំងនោះ នឹងធ្វើឱ្យប៉ះពាល់ យ៉ាងខ្លាំងដល់ការបោះឆ្នោតប្រធានាធិប តីនៅខែតុលាខាងមុខ ហើយលោកស្រី ឌីលម៉ារ៉ូសសេហ្វ ដែលត្រូវបន្ដឈរ ឈ្មោះជាបេក្ខភាពអាចនឹងបាត់បង់ការគាំទ្រជាច្រើនពីពលរដ្ឋប្រេស៊ីល បើទោះ បីពេលនេះ លោកស្រីនៅតែនាំមុខក្នុង ចំណោមបេក្ខភាពប្រធានាធិបតីតាម ការស្ទាបស្ទង់មតិនាពេលកន្លងមក ។
មួយវិញទៀត ប្រវត្ដិសាស្ដ្រនៃការ បរាជ័យរបស់ក្រុមជម្រើសជាតិប្រេស៊ីល ក៏មិនប៉ះពាល់ច្រើនដល់ការប្រកួតប្រជែង តំណែងប្រធានាធិបតីនាពេលខាងមុខ នោះឡើយ ប៉ុន្ដែអ្វីដែលប្រធានាធិបតី ប្រេស៊ីលកំពុងតែប្រឈមមុខ គឺវិបត្ដិ សេដ្ឋកិច្ចជាតិ ។ ដោយនៅក្នុងឆ្នាំនេះ ប្រេស៊ីលមានកំណើនសេដ្ឋកិច្ចតែ១ភាគ រយប៉ុណ្ណោះ ។
ពលរដ្ឋប្រេស៊ីលបង្ហាញការខឹងសម្បា ចំពោះរដ្ឋាភិបាលរបស់ប្រធានាធិបតី ឌីលម៉ារូសសេហ្វ តាំងពីមុនពេលប្រកួត វើលខាប់ចាប់ផ្ដើម ។ នៅពេលក្រុម ជម្រើសជាតិប្រេស៊ីលបរាជ័យធ្វើឱ្យពល រដ្ឋកាន់តែខឹងសម្បាថែមទៀត ដោយ រដ្ឋាភិបាលចំណាយប្រាក់យ៉ាងច្រើនតែ ក្រុមជម្រើសជាតិមិនអាចនាំមកនូវ កិត្ដិយសជូនប្រទេសជាតិឱ្យសក្ដិសមទៅនឹងការចំណាយទាំងនោះ
