អតីតគ្រូបង្វឹកក្លិបបិសាចក្រហមអ៊ីតាលី AC Milan លោក Massimiliano Allegri ត្រូវបានគេជឿជាក់ នឹងក្លាយជាអ្នកចាត់ការថ្មីរបស់ក្លិបសេះបង្កង់ Juventus ។ ក្លិបជើងឯកក្របខណ្ឌអ៊ីតាលី Serie A មួយនេះកំពុងតែស្វែងរកគ្រូបង្វឹកថ្មីម្នាក់ក្រោយពេលលោក Antonio Conte បានចុះចេញពីតំណែងក្រោយពេលដឹកនាំក្លិបអស់រយៈពេល៣ឆ្នាំ ។ យោងតាមសារព័ត៌មាន The Guardian បានចុះផ្សាយថា លោក Allegri នឹងចូលមកដឹកនាំ ក្លិបសេះបង្កង់ Juventus ដោយនឹងចុះកិច្ចសន្យារយៈពេល២ឆ្នាំជាមួយក្លិបនេះ ។ គួររម្លឹកឡើងវិញថា លោក Allegri ត្រូវបានក្លិប AC Milan បណ្តេញពីតំណែងកាលពី ខែ មករាដើមឆ្នាំនេះបន្ទាប់ពីរូបលោកចូលមកដឹកនាំនៅទឹកដី San Siro ក្នុងឆ្នាំ ២០១០ ៕