បន្ទាយមានជ័យ: ជនមិស្គាល់អត្តសញ្ញាណបានបង្ករគ្រោះថ្នាក់តាមផ្លូវជាតិលេខប្រាំនៅស្រុកមង្គលបូរីហើយរត់បាត់មិនទទួលខុសត្រូវ ករណីគ្រោះថ្នាក់ចរាចរមួយ នេះបានកើតឡើងនៅលើផ្លូវជាតិលេខ ៥ ត្រង់ចំណុចភូមិភ្នំធំថ្មី ឃុំអូរប្រាសាទ នៅវេលាម៉ោង ៣និង១៥ នាទី ទៀបភ្លឺ ថ្ងៃទី ១៧ កក្ដដា ២០១៤ រវាងរថយន្តមួយគ្រឿងមិនស្គាល់ម៉ាក-ពណ៌-ស្លាកលេខ ត្រូវជនមិនស្គាល់អត្តសញ្ញាណបើករត់គេចបាត់ ។
លោក រស់ សំបូរ មេបញ្ជាការកងរាជអាវុធហត្ថស្រុកមង្គលបូរីបានអោយដឹងថា: អ្នកបើកបរបើកបរពីត្បូងទៅជើង ដល់ចំណុចកើត ហេតុបានបុកម៉ូតូម៉ាកហុងដា សេ១០០ សេរីចាស់ពណ៌ព្រីងទុំគ្មាមស្លាកលេខបើកបរពីត្បូងទៅជើង អូសរទេះដឹកបន្លែមកលក់ ។
លោករស់ សំបូរ បន្តប្រាប់ថា: បើកបរម៉តូដែលជាជនរងគ្រោះមានឈ្មោះ ហៃ តុន ប្រុស អាយុ ៤៩ ឆ្នាំនៅភូមិចំការលោក ឃុំអូរប្រាសាទ ឌុបឈ្មោះ មុឹង សំបូរ ស្រី អាយុ ៤៧ ឆ្នាំ (ជាប្រពន្ធជិះពីក្រោយ) រងរបួសធ្ងន់បាក់ជើងឆ្វេងទាំង ២ នាក់ប្តីប្រពន្ធ ។ បច្ចុប្បន្នសំរាកព្យាបាលនៅមន្ទីរពេទ្យមិត្តភាពកម្ពុជា-ជប៉ុនមង្គលបូរី ម៉ូតូនិងរទេះខូចខាតធ្ងន់រក្សាទុកនៅអធិការដ្ឋាននគរបាលស្រុកមង្គលបូរី ៕ដោយ: ឃិន គន្ធា
