សៀមរាប ៖ ជនសង្ស័យនិងវត្ថុតាងទាំងអស់នេះត្រូវបានសមត្ថកិច្ចធ្វើការឃាត់ខ្លួននិងដកហូតបានពីជនសង្ស័យរួចយកមកកាន់ការិយាល័យនគរបាលជំនាញដើម្បីការសួនាំជាប់ពាក់ព័ន្ធក្នុងករណីប្រើប្រាស់និងចាត់ចែងឲ្យប្រើប្រាស់នូវសារធាតុញៀនខុសច្បាប់ ។ លោកវរសេនីយ៍ឯក អ៊ុំ អមរា
ស្នងការរងនិងជាប្រធានការិយាល័យកណ្តាលនគរបាលប្រឆាំងបទល្មើសនិងលោកវរសេនីយ៍ទោ អ៊ុំ សាអាត នាយការិយាល័យនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបនៅនិងកន្លែងកើតហេតុបានឲ្យដឹងថាដោយអនុវត្តជាប្រចាំតាមការយកចិត្តទុកដាក់ខ្ពស់ ពីសំណាក់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបក៏ដូចជាដើម្បីធ្វើឲ្យការអនុវត្តនូវគោលនយោបាយភូមិឃុំមានសុវត្ថិភាពឲ្យកាន់តែមានប្រសិទ្ធភាពខ្ពស់ផងនោះ ។
ជាក់ស្តែងនៅរសៀលពីថ្ងៃទី១៦ខែកក្តដាឆ្នាំ២០១៤កន្លងទៅកម្លាំងការិយាល័យនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបសហការណ៍ជាមួយកម្លាំងប៉ុសិ៍្តនគរបាលរដ្ឋបាលសង្កាត់សាលាកំរើក ក្រុងសៀមរាប ក្រោមការចូលរួមបញ្ជាដឹកនាំកម្លាំងផ្ទាល់ពីសំណាក់ លោក សំរិទ្ធ សុខុន ព្រះរាជអាជ្ញារងសាលាដំបូងខេត្តសៀមរាប បានធ្វើការតាមដានស្រាវជ្រាវនិងឈានដល់ការបង្ក្រាបចាប់ឃាត់ខ្លួនជនសង្ស័យភេទប្រុសទាំង៣នាក់នេះបាននៅក្នុងផ្ទះរបស់ពួកផ្ទាល់តែម្តងស្ថិតនៅក្នុងសង្កាត់សាលាកំរើក ក្រុងសៀមរាប ។
ក្នុងកិច្ចចុះប្រតិបត្តិការណ៍ខាងលើសមត្ថកិច្ចបានបន្តឲ្យដឹងទៀតថាបន្ទាប់ពី សមត្ថកិច្ចជំនាញបានធ្វើការចាប់ឃាត់ខ្លួនជនសង្ស័យព្រមទាំងវត្ថុតាងទាំងអស់បានហើយនោះរួចយកមកធ្វើការសួរនាំបន្តនៅការិយាល័យជំនាញរួចមកនៅមុខសមត្ថកិច្ចជនសង្ស័យបានឆ្លើយសារភាពថាពួកគេពិតជាបានប្រព្រត្តឹនៅករណីទាំងអស់ខាងលើពិតប្រាកដមែនដោយបច្ចុប្បន្នទាំងជនសង្ស័យនិងវត្ថុតាងត្រូវបានសមត្ថកិច្ចកសាងសុំណុំរឿងបញ្ជូនទៅកាន់សាលាដំបូងខេត្តសៀមរាបហើយកាលពីថ្ងៃទី១៧ខែកក្តដាឆ្នាំ២០១៤នេះដើម្បីចំណាត់ការទៅតាមនិតិវិធីបន្ត ៕ ដោយ លោក ខេង ខេមរា
