សៀមរាម៖នៅស្នងការដ្ឋាននគរបាលខេត្តសៀមរាបកាលពីព្រឹកថ្ងៃទី២០ ខែកុម្ភះ ឆ្នាំ២០១៤ នេះ។លោកវរសេនីយឯក ជៀវ សូរិយា ស្នងការរងនិងជាតំណាងដ៏ខ្ពង់ខ្ពស់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប។ បាននាំយកថវិកាសមាគមមិត្តនគរបាល ជាតិចំនួន២០លានរៀលមកធ្វើការ ប្រគល់ជូនដល់ក្រុមគ្រួសារសពរបស់មន្ត្រីនគរបាលជាតិចំណុះស្នងការដ្ឋាននគរបាលខេត្តសៀមរាប ដែលបានស្លាប់ក្នុងបុព្វហេតុជាតិ ចំនួន៥គ្រួសារ ដោយនៅក្នុងពិធីនោះក៏មានការចូលរួមពីសំណាក់អស់លោកជានាយរងការិយាល័យនិងនគរបាលនៃការិយាល័យបុគ្គលិកនៃស្នងការដ្ឋាននគរបាលខេត្តសៀមរាបមួយចំនួនផងដែរ។
លោកវរសេនីយឯក ជៀវ សូរិយា មានប្រសាសន៍ថា ថវិកាទាំងនេះ គឺបានមកពីការផ្តួច ផ្តើមឡើង ពីសំណាក់ឯកឧត្តមនាយឧត្តមសេនីយ៍អគ្គស្នងការនគរបាលជាតិ ដែលឯកឧត្តមតែងតែបានគិតគូរខ្ពស់ដល់កងកម្លាំងនគរបាលទូទាំងប្រទេស។ដោយឡែក ចំពោះថវិកាដែលក្រុមគ្រួសារសពរបស់មន្ត្រីនគរបាលជាតិចំណុះស្នងការដ្ឋាននគរបាលខេត្តសៀមរាប ទាំង៥គ្រួសារដែលបានមកទទួលថវិកានាពេលនេះ គឺដើម្បីយកទៅចាត់ចែងទៅតាមសេចក្តីត្រូវការក្នុងក្រុមគ្រួសាររបស់ខ្លួនផងដែរ។
ដោយលោកវរសេនីយឯក ជៀវ សូរិយា ស្នងការរងនិងជាតំណាងដ៏ខ្ពង់ខ្ពស់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប។ បានមានប្រសាសន៍បន្ថែមថា ចំពោះការបាត់បង់អាយុជីវិតរបស់កងកម្លាំងនគរបាលជាតិរបស់យើងដែលធ្លាប់បានចូលរួមចំណែកក្នុងការ ការ ពារថែរក្សា សន្តិសុខ សុវត្ថិភាពនិងសណ្តាប់ធ្នាប់សង្គមជូនជាតិមាតុភូមិពោល គឺជូនបងប្អូនប្រជាពលរដ្ឋបានយ៉ាងល្អប្រសើរកន្លងមកនេះ គឺជាការបាត់បង់មួយដ៏ធំធេងក៏ដូចជាយើង ទាំងអស់គ្នាមិនអាចបំភ្លេចបានផងដែរ៕
អត្ថបទដោយ លោក ខេង ខេមរា រូបភាព លោក ម៉ែន បូរិទ្ធ