កំពង់ឆ្នាំង ៖ ត្រូវបានអ្នកមានអំណាចរៀបចំល្បិចលក់អោយក្រុមហ៊ុនចិននៅខេត្តពោធិសាត់ ផ្ទៃដី ៥០០០ ហិចតា នៅចំណុចរលាបជ្រៃក្បាលខ្លា ភូមីដំណាក់អំពិល ឃុំគ្រាំងស្គារ ស្រុកទឹកផុស ខេត្តកំពង់ឆ្នាំងត្រូវបានអ្នកមានអំណាចក្នុងខេត្តកំពង់ឆ្នាំងបានរៀបចំល្បិចក្នុងការលក់ដូរឲ្យទៅ
ក្រុមហ៊ុនចិនមួយ ដោយបានប្រើប្រាស់ល្បិចជ្រកក្រោមផ្ទៃដី៣០០០ហិចតារបស់ អគ្គបញ្ជាការកងកំលាំងកាំភ្លើងធំ។ ទន្ទឹមនោះផងដែរក៍បានធ្វើឲ្យប៉ះពាល់លើផ្ទៃដីរបស់ប្រជាពលរដ្ឋប្រមាណ៣០គ្រួសារដែលមានផ្ទៃដីជាង១៥០ហិចតាដែលពួកគាត់បានរស់នៅនឹងកាន់កាប់តាំងពីឆ្នាំ១៩៩៥។ប៉ុន្តែដោយសារកន្លងមកពួកគាត់ពុំមានលទ្ធភាពក្នុងការកាប់ឆ្ការ រុករានដីក្នុងការដាំដុះ ក្នុងកំឡុងពេលដែលក្រុមយុវជនស្ម័គ្រចិត្តរបស់សម្តេចតេជោបានធ្វើការចុះវាស់វែងដីធ្លីជូនដល់ប្រជាពលរដ្ឋក្នុងតំបន់នោះក៍បានតំរូវឲ្យប្រជាពលរដ្ឋធ្វើការកាប់ឆ្ការដើម្បីកំណត់ព្រុំដីងាយស្រួលក្នុងការវាស់វែង។ នៅពេលដែរប្រជាពលរដ្ឋបានចុះទៅកាបប់ឆ្ការដើម្បីកំណត់ព្រុំដីរបស់ពួកគាត់ត្រូវបានលោកឧត្តមសេនីយ៍ទោ នួន វិចិត្រ ដែលជាអ្នកបញ្ជាផ្ទាល់ បានហាមឃាត់ នឹងបានគំរាមកំហែងមឹនឲ្យកាប់ឆ្ការព្រៃឡើយ។
បើយោងតាមការស្រាវជ្រាវនៅថ្ងៃទី ២១ ខែកក្កដា ឆ្នាំ២០១៤របស់ភ្ញាក់ងារសារព័ត៌មានបានឲ្យដឹងថា÷អគ្គបញ្ជាការកងកាំភ្លើងធំបានធ្វើការស្នើរសុំទៅកាន់រដ្ឋាភិបាលដើម្បីសុំដីប្រមាណ៥៧០០ហិចតា ដែលបានគូរប្លង់ចេញដោយលោក ចេង ញ៉ាន់ អភិបាលខេត្តរងកំពង់ឆ្នាំង។ប៉ុន្តែរាជរដ្ឋាភិបាលបានអនុញ្ញាតតែផ្ទៃដី៣០០០ហិចតាប៉ុណ្ណោះសំរាប់កងកំលាំងកាំភ្លើងធំធ្វើជាទីតាំងហ្វឹកហាត់នឹងបាញ់សាកល្បង។ក្រោយពីការសំរេចរបស់រាជរដ្ឋាភិបាលមកអគ្គបញ្ជាការកាំភ្លើងធំបានទទួលនូវដី៣០០០ហិចតានឹងបានធ្វើការលើកព្រុំដីដើម្បីកំណត់ព្រុំដីរបស់កងទ័ព។ នៅថ្ងៃទី១៦ ខែកក្កដា ឆ្នាំ២០១៤កងទ័ពបានធ្វើការលើកព្រុំដីដោយសំអាងលើការគូរប្លង់ចេញដោយ លោក ចេង ញ៉ាន់អភិបាលរងខេត្តកំពង់ឆ្នាំងដែលការចេញប្លង់នោះបានរំលោភហួសពីការកំណត់របស់រាជរដ្ឋាភិបាលសំរេចឲ្យរហូតដល់ទៅ៥០០០ហិចតាពីលើថែមទៀត ។
បើយោងតាមប្រភពព័ត៌មានផ្ទៃដីចំនួន៥០០០ហិចតានេះគឹមានការឃុបឃិតគ្នារវាង លោក ចេង ញ៉ាន់ នឹងលោក ឧត្តមសេនីយ៍ នួន វិចិត្រ នួន សុផល និង ចាន់ សុផាត ក្នុងការរៀបចំឯកសារគូរប្លង់ខាងលើដើម្បីចាត់ចែងធ្វើការលក់ដូរឲ្យទៅក្រុមហ៊ុនចិនឯកជនមួយ។បើយោងតាមប្រភពបានបញ្ជាក់ថាបើតាមការកំណត់ផ្ទៃដី៣០០០ហិចតារបស់កងទ័ពមិនឲ្យប៉ះពាល់ដល់ដីប្រជាពលរដ្ឋឡើយតែដោយសារតែការរំលោភគូសប្លង់ប៉ុន្ថែមរហូតដល់៥០០០ហិចតាទើបធ្វើឲ្យប៉ះពាល់ដល់ដីរបស់ប្រជាពលរដ្ឋ។ប្រជារាស្ត្របានស្នើរសុំតាមរយះអ្នកសារព័ត៌មានទៅកាន់រាជរដ្ឋាភិបាលសូមឲ្យដោះស្រាយបញ្ហាខាងលើនេះដល់ពួកគាត់ទាំង៣០គ្រួសារដែលមានផ្ទៃដីប្រមាណ១៥០ហិចតា។ 
ចំណែកលោក សោម វឺន អភិបាលស្រុកទឹកផុស រួមទាំងមន្ត្រីសូរិយោដីស្រុកបានចុះពិនិត្យទីតាំងដែលកងកំលាំងកងទ័ពកំពង់ធ្វើការលើកព្រុំដីនៅព្រឹកថ្ងៃទី២២ ០៧ ២០១៤យោងតាមបញ្ជារបស់អភិបាលខេត្ត លោកបានប្រាប់អ្នកសារព័ត៌មានឲ្យដឹងថា:ព្រុំដីដែលបានកំពង់ជីកដោយកងកំលាំងកាំភ្លើងធំគឺខុសពីការកំណត់ពីចំណុច១០៥រហូតដល់ជិត៣គីឡូម៉ែត្រពីចំណុច១០៥ដែលបានកំណត់។ចំណែកលោកឧត្តមសេនីយ៍ នួន វិចិត្របានឆ្លើយថាមានកាភ័ន្ធច្រឡំក្នុងការជីកព្រុំ។ពាក់ព័ត៌នឹងរឿងរាវខាងលើនេះគឺជាសារមួយសំរាប់ប្រមុខរាជរដ្ឋាភិបាលក្រោម
ការដឹកនាំដ៍ខ្ពង់ខ្ពស់របស់សម្តេចតេជោ ហ៊ុន សែន រួមទាំងក្រសួងដែលពាក់ព័ន្ធដើម្បីធ្វើការស្រាវជ្រាវស៉ើបអង្កេតបន្ទាន់ដើម្បីទប់ស្កាត់នូវសកម្មភាពរបស់មន្ត្រីខិលខូចដែលមានអំណាចមួយចំនួនដែលបានពាក់ព័ន្ធក្នុងការយកដីព្រៃរបស់រដ្ឋធ្វើការលក់ដូរដើម្បីប្រយោជន៍នឹងក្រុមរបស់គេ។ ពាក់ព័ន្ធពត៌មានខាងលើនេះ លោកឧត្តមសេនីយ៍ទោ នួន វិចិត្រ បានប្រាប់អ្នកយកពត៌មានយើងថា ការជីកព្រំដីនេះ គឺមានការឯកភាព និងទទួលស្គាល់ពីថ្នាក់លើ ។ សូមរម្លឹកផងដែរថា កន្លងមក លោក ចេង ញ៉ាន់ អភិបាលរងខេត្តកំពង់ឆ្នាំង ធ្លាប់មានរឿងអាស្រូវពាក់ព័ន្ធនិងរឿងរ៉ាវដីធ្លីនៅក្នុងខេត្តកណ្តាលផងដែរ ។ ថ្លាង ទូច
