ស្វាយរៀង៖ស្ត្រីពោះធំម្នាក់ទើបតែចេញទីមន្ទីរពេទ្យបង្អែក ឃ្មួញ ធ្វើដំណើរតាមម៉ូតូមួយគ្រឿងក៏បានបុកគ្នាយ៉ាងខ្លាំងបណ្តាលឲ្យស្រីរូបនោះធ្លាក់ពីលើម៉ូតូអុកគូទហើយចុកពោះស្ទើរស្លាប់ត្រូវបានគេបញ្ចូនទៅកាន់គ្លីនិកឯកជន ជ្រៃធំ ស្ថិតនៅតាមបណ្តោយផ្លូវ ហាណូយ ភូមិសង្កាត់ភ្នំពេញថ្មី នៅម៉ោងជាង 01និង30នាទីរសៀលថ្ងៃទី 20 ខែ កុម្ភះ ឆ្នាំ 2014 ។
បុរសឈ្មោះ ហែម ឆាន់ អាយុ 44ឆ្នាំ ស្នាក់នៅភូមិសែនសុខត្រូវជាជីដូនមួយស្ត្រីរងគ្រោះបានឲដឹងថា ស្ត្រីរងគ្រោះមានឈ្មោះ អឿន សាវេត អាយុ 26 ឆ្នាំ ស្នាក់នៅភូមិសែនសុខ សង្កាត់ភ្នំពេញថ្មីមានផ្ទៃពោះ 04 ខែ មានស្រុកកំណើតនៅភូមិ ហែក សំណាញ ឃុំម៉ឺនជ័យ ស្រុករំដូល ខេត្ត ស្វាយរៀង ។
ចំណែកភាគីបង្កបើកម៉ូតូបញ្ចាស់ម៉ាក សេ125ពណ៏ខ្មៅ ពាក់ស្លាកលេខភ្នំពេញ 1BD 1327 ហើយមិនប្រាប់ឈ្មោះ និង អត្តសញាណ។ បុរសរូបនោះបានបន្តថា មុនពេលកើតហេតុស្រីរងគ្រោះបានរួមដំណើរជាមួយគាត់តាមផ្លូវ ហាណូយ ពីជើងមកត្បូង លុះមកដល់កន្លែងកើតហេតុទល់មុខស្ថានីយប្រេងសែនសុខ ក៏ស្រាប់តែមានម៉ូតូបង្កខាងលើបើកបញ្ច្រាស់យ៉ាងលឿនមកបុកម៉ួតូរបស់គាត់ទាំងកំរោលបណ្តាលឲ្យស្ត្រីរងគ្រោះធ្លាក់ពីលើម៉ូតូអុកគូទចុកពោះយ៉ាងខ្លាំង ។
ភ្លាមៗនោះពួកគេបានបើកម៉ួតូរត់ជិតដល់អធិការដ្ថាននគរបាលខណ្ឌសែនសុខទើបចាប់បាន ឥឡូវនេះស្រីរងគ្រោះកំពុងសំរាកព្យាបាលនៅគ្លីនិកឯកជន ជ្រៃធំ ៕ 
