ខេត្តកំពង់ធំ. ឧត្តមសេនីយ៍ទោ សោម ស៊ុន មេបញ្ជាការតំបន់ ប្រតិបត្តិ ការសឹករងកំពង់ធំ.ឆ្លៀតឱកាសធ្វើបុណ្យសន្សំកុសល ចែកទានដល់ បងប្អូនប្រជាពលរដ្ឋដែលកំពុងតែមានជីវភាពលំបាកខ្វះខាត និងស្រេកឃ្លានទទឹងរងចាំការជួយ ឧបត្ថម្ភ5 គ្រួសារ នៅព្រឹកថ្ងៃកាន់បិណ្ឌទី១៤ ត្រូវនិងថ្ងៃទី១៦ ខែកញ្ញា ឆ្នាំ២០២០ រស់នៅភូមិរលួស សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ។
ក្រោយពីបានទទួលសេចក្តីរាយការណ៍ ពីអាជ្ញាធរដែនដីថា មានប្រជាពលរដ្ឋ កំពុងតែខ្វះខាតកំពុងតែរង់ចាំការជួយឧបត្ថម្ភ ដេីម្បីបានដោះស្រាយជីវភាពរស់នៅប្រចាំថ្ងៃ
ឯកឧត្តម ឧត្តមសេនីយ៍ទោ សោម ស៊ុន ក្នុងនាមមេបញ្ជាការតំបន់ប្រតិបត្តិការសឹករងកំពង់ធំ ដោយមិនគិតពីថ្ងៃឈប់សម្រាកក្នុងរដូវបុណ្យភ្ជុំបិណ្ឌ និងមិនដែលពីការនឿយហត់ បានបន្តដឹកនាំសហការីរួមជាមួយអាជ្ញាធរដែនដីទៅសំណេះសំណាលសាកសួរសុខទុក្ខ និងបាននាំយកនូវអំណោយរបស់ ឯកឧត្តមឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ទៅឧបត្ថម្ភជូនប្រជាពលរដ្ឋទីទ័លក្រចំនួន ០៥គ្រួសារ ដោយបានឧបត្ថម្ភជូនគាត់ក្នុងមួយគ្រួសារទទួលបាននូវ អង្ករចំនួន២៥ គីឡូក្រាម មីចំនួនមួយកេស ទឹកត្រី ទឹកសុីអុីវចំនូន ពីរយួរ នឹងថវិកាមួយចំនួនផងដែរ ។
ឧត្តមសេនីយ៍ទោ សោម ស៊ុន បានពាំនាំនូវការផ្តាំផ្ញើ ពី សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ដែលជានិច្ចកាល លោកតែងតែគិតគូរ ពីសុខទុក្ខ និងជីវភាពរស់នៅរបស់បងប្អូនប្រជាជននៅគ្រប់ពេលវេលា និងនៅគ្រប់ទីកន្លែង នៅទូទាំងប្រទេសកម្ពុជា ដោយមិនទុកឲ្យមានប្រជាជនណាម្នាក់ស្លាប់ដោយការអត់អាហារនោះឡេីយ ។ 
បងប្អូនប្រជាពលរដ្ឋទីទ័លក្រ ចំនួន ០៥ គ្រួសារ ដែលបានទទួលការឧបត្ថម្ភពេលនេះរួមមាន ÷
១- លោកយាយ ឡុង ឡែម អាយុ ៧៥ ឆ្នាំ ជាស្ត្រីមេម៉ាយ រស់នៅជាមួយចៅកំព្រា ។
២- លោកស្រី ចាន់ សារ៉ាស់ អាយុ ៥៤ ឆ្នាំ ជាស្ត្រីមេម៉ាយ មានកូននៅក្នុងបន្ទុក ចំនួន ៣នាក់ ។
៣- លោកយាយ ព្រុំ គឹមអ៊ួ អាយុ ៧៣ ឆ្នាំ ជាស្ត្រីមេម៉ាយ មានជីវភាពលំបាកខ្វះខាត។
៤- លោកយាយ ម៉ែន ភៀន អាយុ ៧៤ ឆ្នាំ ជាស្ត្រីមេម៉ាយ រស់នៅជាមួយចៅកំព្រា ។
៥- លោកយាយ គឹម វុន អាយុ ៧៧ ឆ្នាំ ជាស្ត្រីមេម៉ាយ មានកូននិងក្នុងបន្ទុក ៤នាក់ ។
ឯកឧត្តម ឧត្តមសេនីយ៍ទោ សោម ស៊ុន បានបន្តទៀតថា សព្វថ្ងៃនេះប្រទេសជាតិយើង មានសន្តិភាពពេញលេញ ដូច្នេះសូមបងប្អូនប្រជាពលរដ្ឋទាំងអស់រួមគ្នាថែរក្សាសុខសន្តិភាពនេះឲ្យបានមេបញ្ជាការតំបន់ប្រតិបត្តិការសឹករងកំពង់ធំក៍បានសំណូមដល់បងប្អូនប្រជាពលរដ្ឋទាំងអស់ ត្រូវថែរក្សាសុខភាព ដើម្បីការពារ ទប់ស្កាត់ ការឆ្លងជម្ងឺរីករាលដាលមេរោគកូវីដ-១៩ តាមការណែនាំរបស់ក្រសួងសុខាភិបាល និងសូមជូនពរឲ្យបងប្អូនទាំងអស់ជួបប្រទះតែនឹងពុទ្ធពរ បួន ប្រការ គឺ អាយុ វណ្ណៈ សុខៈ និង ពលៈកុំបីឃ្លៀងឃ្លាតឡើយ ។
អាជ្ញាធរដែនដី និងប្រជាពលរដ្ឋ នៅភូមិរលួសសង្កាត់ស្រយ៉ូវក្រុងស្ទឹងសែនខេត្តកំពង់ធំ បានថ្លែងអំណរគុណដ៍ជ្រាលជ្រៅចំពោះ ឯកឧត្តម ឧត្តមសេនីយ៍ឯក បណ្ឌិត ហ៊ុន ម៉ាណែត និងលោកជំទាវ ព្រមទាំងក្រុមគ្រួសារ និងក្រុមការងារនៃបញ្ជាការដ្ឋានតំបន់ប្រតិបត្តិការសឹករងកំពង់ធំ សូមមានសុខភាពល្អបរិបូរណ៍ កម្លាំងពលំមាំមួន អាយុយឺនយូរ និងជោគជ័យគ្រប់ភារកិច្ចដែលរាជរដ្ឋាភិបាលប្រគល់ជូន ។
