បន្ទាយមានជ័យ: ផ្លូវលំបីខ្សែរដែលរងគ្រោះដោយទឹកភ្លៀងរដូវវស្សារនៅកណ្តាលក្រុងសិរីសោភ័ណមិនឆ្ងាយសាលាខេត្តប៉ុន្មានផងនោះ ត្រូវបានពលរដ្ឋរៃអង្គាសថវិការផ្ទាល់ខ្លួនជួសជល់ឡើងវិញ ដោយមានការជួយសម្រួលបច្ចេក ទេសពីក្រុមហ៊ុនសហគ្រាស់សាងសង់ផ្លូវថ្នល់សារ៉ាក់ កាលពីព្រឹកថ្ងៃទី ៣០ ខែកក្ដដា ឆ្នាំ២០១៤។
លោកស្រី ឡុង ស្រីនាថ អនុប្រធានភូមិតារ៉ាងបាល់ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយ មានជ័យប្រាប់ថា: ដោយសារផ្លូវលំ ៣ខ្សែរខាងលើ ត្រូវទឹកភ្លៀងរដូវវស្សារ ហូរច្រោះកាត់ផ្តាច់ ភក់ស្អិត លំបាកធ្វើដំណើរ ទើបពលរដ្ឋសំណូមពរ ដល់មេភូមិ ជួយជួសជល់ដោយប្រើថវិការរៃអង្គាស ពីអ្នកនៅសងខាងផ្លូវ បានថវិការសរុប ៨លានរៀល ហើយស្នើសុំដល់ ពីក្រុមហ៊ុន សហគ្រាស់សាងសង់ផ្លូវថ្នល់សារ៉ាក់ ជួយសម្រួលបច្ចេកទេសនិង ឧបត្ថមប្រេងចាក់គ្រឿងចក្រ។
លោកស្រី ឡុង ស្រីនាថ បន្តប្រាប់ថា: ផ្លូវបីខ្សែរសុទ្ធតែជាផ្លូវទាល់ ជ្លូវទី១មានប្រវែង ២០០ម៉ែត្រ ផ្លូវទី២ប្រវែង ២០០ម៉ែត្រ ផ្លូវទី៣ ប្រវែង១៩៦ម៉ែត្រ បន្ទាប់ពីក្រាលគ្រួសក្រហម រួចរាល់និងចាក់បេតុងធ្វើផ្លូវទឹក៣តឹក សងខាងផ្លូវថែមទៀតនាពេលអនាគត់។
លោក ស្រឿង សុខាប្រធានក្រុមហ៊ុន សហគ្រាស់សាងសង់ផ្លូវថ្នល់សារ៉ាក់ប្រាប់ថា: ក្រុមហ៊ុនប្រើគ្រឿង ចក្រឈូសដី ១គ្រឿង រឡូកិនដី១គ្រឿង ជួយឈួសឆាយកិនបង្ហាប់ដីគ្រួស ផ្លូវបីខ្សែរជូប្រជាពលរដ្ឋមានប្រវែងជិត៦០០ម៉ែត្រដោយមិនគិតសោយហ៊ុយតាមការស្នើរសុំ ហើយត្រូវចំនាយថវិការ ៨លាន ទិញប្រេងសម្រាស់ប្រើប្រាស់ទិញដីគ្រួសចាក់បំពេញរហូតរួចរាល់៕ដោយឃិន គន្ធា