អ្នកចាត់ការក្លិបបិសាចក្រហម Manchester United លោក Louis van Gaal បានលើកឡើងថា លោកមាន គោលបំណងទិញខ្សែការពារមករួមក្រុមបន្ថែមទៀតនៅរដូវក្តៅនេះ ។ Manchester United បានលក់ខ្សែការពារដ៏រឹងមាំចំនួន២នាក់រួចទៅហើយគឺកីឡាករ Nemanja Vidic និង Rio Ferdinand ហើយបច្ចុប្បន្នក្លិបកំពុងតែព្យាយាមទាក់ទងដើម្បីនាំយកខ្សែការពារ Mats Hummels របស់ក្លិប Borussia Dortmund ។
លោក Van Gaal ប្រាប់អ្នកសារព័ត៌មានថា “ក្រុមរបស់យើងបានបង្ហាញពីទម្រង់លេងយ៉ាងល្អ ប៉ុន្តែយើងកំពុង តែស្វែងរកខ្សែការពារថ្មីៗបន្ថែមទៀតដើម្បីមកជំនួសតំណែងខ្សែការពារដែលបានចាកចេញពីក្រុម” ។ គួរបញ្ជាក់ជាថ្មីថា ក្លិបបិសាចក្រហម Manchester United នឹងត្រូវធ្វើការប្រកួតបើករដូវកាលថ្មីជាមួយ ក្លិបក្ងានព្រៃ Swansea City នៅថ្ងៃទី១៦ខែសីហាដែលការប្រកួតនេះ Swansea គឺធ្វើជាម្ចាស់ផ្ទះ ៕
