ភ្នំពេញ ៖ បុរស២នាក់បានរងរបួសធ្ងន់ធ្ងរស្រាល ខណៈពេលដែលពួកគាត់ជិះម៉ូតូក្នុងល្បឿនយ៉ាងលឿនប្រជេញគ្នាចូលទៅចាក់សាំង។
ហេតុការណ៍នេះកើតឡើងកាលពីវេលាម៉ោង៨ និង ៣០នាទីយប់ថ្ងៃទី ៣១ខែ កក្កដា ២០១៤ នៅចំណុចមុខក្រុមហ៊ុនប្រេងឥន្ធនះតេលា តាម
បណ្តោយផ្លូវលេខ៥៩៨ ស្ថិតក្នុងភូមិទួលគោក សង្កាត់បឹងកក់១ ខណ្ឌឬស្សីកែវ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញម៉ូតូស៊ុយសូគីវីវា់ ពណ៌ខ្មៅ មួយគ្រឿងពាក់ស្លាកលេខភ្នំពេញ1AR-8922 ជិះដោយបុរសម្នាក់ឈ្មោះ សយ ណារិន អាយុ ២៥ មុខរបរជាកម្មកររោងចក្រធ្វើដំណើរតាមបណ្ដោយផ្លូវ៥៩៨ក្នុងទិសដៅពីត្បូងទៅជើងក្នុងល្បឿនយ៉ាងលឿន ខណៈដែលមកដល់ចំណុចកើតហេតុក៏មានម៉ូតូហុងដាវេលមួយគ្រឿង ពណ៌ខ្មៅ ពាក់ស្លាកលេខភ្នំពេញ 1BR-7221 បើកបរដោយបុរសម្នាក់ ធ្វើដំណើរតាមបណ្ដោយផ្លូវ៥៩៨ទិសដៅពីត្បូងទៅជើង ក្នុងល្បឿនយ៉ាងលឿនក៏បត់ឆ្វេងភ្លាមៗក្នុងបំណង់ចូលទៅចាក់សាំងក្រុមហ៊ុនប្រេងឥន្ធនះខាងលើធ្វើឲ្យម៉ូតូស៊ុយសូគីវីវ៉ាជ្រុលទៅបុកចំពាក់កណ្ដាលម៉ូតូហុងដាវេលយ៉ាងពេញទំហឹងបណ្តាលម្ចាស់ម៉ូតូវីវ៉ារងរបួសធ្ងន់ត្រូវរថយន្ដសាមុយបញ្ចូនទៅមន្ទីរពេទ្យភ្លាមៗឯភាគីម៉ូតូហុងដាវេលរងរបួសស្រាល។
ក្រោយពេលកើតហេតុសមត្ថកិច្ចបានចុះទៅដល់កន្លែងកើតហេតុធ្វើការសម្រប់សម្រួលដល់ភាគីទាំងសង់ខាងដោយភាគីខាងម៉ូតូហុងដាវេលធ្វើការសំទោសដល់ក្រុមគ្រួសារភាគីម៉ូតូស៊ុយសូគីវីវ៉ានិងសង់សំណង់៨០ដុល្លារជាព្យាបាលរបួសនិងជួសជុលម៉ូតូ ដើម្បីបញ្ចប់រឿង។