កំពង់ឆ្នាំងៈ សំណុំរឿង អ្នកកាសែតម្នាក់បើក រថយន្តបានបុកអ្នកជិះម៉ូតូ១គ្រឿងជិះចំនួន៣នាក់បើក ច្រាសទិសគ្នាពេលយប់ បណ្តាលអោយមានអ្នកស្លាប់និងរងរបួសធ្ងន់មកដល់ពេលនេះមានរយះពេល ជាង៦ខែហើយ ស្ថាប័នតុលាការមិនទាន់ចំណាត់ការនៅឡើយទេ ដែលធ្វើអោយក្រុមគ្រួសារជនរង គ្រោះត្អូញត្អែរថា៖តុលាការមិនផ្តល់យុត្តិធម៌ដល់ពួកគាត់ជនរងគ្រោះឡើយ។
សមត្ថកិច្ចអោយដឹងថា៖មនុស្សប្រុស៣នាក់បានរបួសធ្ងន់ស្លាប់និង រដូករណែលពេញផ្លូវ គួរ អោយរតក់ស្លុត ក្រោយពីត្រូវរថយន្តរបស់អ្នកកាសែតមួយគ្រឿង បានប្រដេញតាមរថយន្តដឹកឈើមួយគ្រឿងទៀតលើផ្លូវក្រាលគ្រួសក្រហម ហុយនិងដីមើលផ្លូវមិនឃើញ ហើយបានបុកចំម៉ូតូសង់កូរ៉េដាច់ជា២កំណាត់ប៉ើងជិត២០ម៉ែត្រក្នុងពេលដែលកំពុងគេជិះក្នុងទិសច្រាស់គ្នា។ ហេតុការណ៍នេះបានកើតឡើងកាលពីវេលាម៉ោង៧និង៤៥នាទីយប់ថ្ងៃទី១៣ ខែមករា ឆ្នាំ២០១៤ លើផ្លូវលេខ៥៣អា ស្ថិតក្នុងភូមិចារ ឃុំក្រាំងស្គារ ស្រុកទឹកផុស ខេត្តកំពង់ឆ្នាំង។
ក្នុងហេតុការណ៍នេះជនរងគ្រោះឈ្មោះ ភិន វុធ អាយុ២៩ឆ្នាំ បានស្លាប់នៅកន្លែងកើតហេតុ និងឈ្មោះ ពោ អាយុ២៥ឆ្នាំ ត្រូវបានស្លាប់ក្រោយពីបានដឹកបញ្ជូនទៅមន្ទីរពេទ្យក្រុងភ្នំពេញ និងឈ្មោះ ផុន ភោត អាយុ២៥ឆ្នាំ រងរបួសធ្ងន់ត្រូវបានសង្គ្រោះបន្ទាន់នៅក្នុងមន្ទីរពេទ្យបង្អែកខេត្តកំពង់ឆ្នាំង។ចំ ណែកអ្នកកាសែត ដែលបានបើកបុកមនុស្សស្លាប់ដល់ទៅ២នាក់និងរបួសធ្ងន់ម្នាក់ទៀតនោះ ត្រូវបាន សមត្ថកិច្ចស្គាល់ឈ្មោះ និងអង្គភាពយ៉ាងច្បាស់ គេរស់នៅជិតផ្ទះប្រាំជាន់ ភូមិម៉ុងបារាំង សង្កាត់ប្អេរ ក្រុងកំពង់ឆ្នាំង។
ក្រោយពេលកើហេតុ២ថ្ងៃនៅព្រឹកថ្ងៃទី១៥ ខែមករា ឆ្នាំ២០១៤ សមត្ថកិច្ចជំនាញបានអោយដឹងដែរថា៖ បានរកឃើញដែករាងផ្លែស្ពឺជាង១០គ្រាប់ នៅក្នុងគូថរថយន្តអ្នកកាសែតនោះ គឺជាគ្រាប់ដែកសំរាប់បោះចូលអោយរថយន្តដឹកឈើបែកកង់ នៅពេលដែលរថយន្តដឹកឈើណាមិនព្រមឈប់បង់លុយអោយពួកគេ។ សមត្ថកិច្ចនគរបាលចរាចរណ៍ផ្លូវគោកខេត្តបានអោយដឹងថា៖ក្នុងសំណុំរឿងនេះការិយាល័យនគរបាលចរាចរណ៍ផ្លូវគោកខេត្តបានកសាងនិងបញ្ជូនសំណុំរឿងនេះ អោយទៅស្ថាប័នតុលាការខេត្តរួច រាល់ហើយ រឿងចំណាត់ការយ៉ាងណានោះគឺជាឆន្ទានុសិទ្ធរបស់អស់លោកតុលាការមុខដែក។
ដោយឡែកលោក គឹម ហុងសាន ព្រះរាជអាជ្ញារងអមសាលាដំបូងខេត្តបាននិយាយអោយដឹង នៅថ្ងៃទី៣០ ខែកក្កដា ឆ្នាំ២០១៤នេះថា៖សំណុំរឿងនេះលោកនឹងយកមកអនុវត្តតាមនីតិវិធីនៅក្នុងសប្តាហ៍ដើមខែសីហានេះហើយ គឺលោកមិនទុកអោយរឿងនេះអូសបន្លាយតទៅទៀតទេ ជាពិសេសគឺដើម្បីរកយុត្តិធម៌ជូនក្រុមគ្រួសារជនរងគ្រោះដែលបានបាត់បង់សាច់ញាតិជាទីស្រឡាញ់របស់ខ្លួន។ ក្រុមគ្រួសារជនរងគ្រោះទាំងអស់បានសំណូមពរដល់ លោកព្រះរាជអាជ្ញាអមសាលាដំបូងខេត្ត មេត្តាជួយរកយុត្តិធម៌ដល់ក្រុមគ្រួសារសពនិងអ្នករងគ្រោះផងព្រោះគេដឹងថាជនបង្កបានដើរហើរយ៉ាងរំ ភើយដោយគ្មានអ្នកណាហ៊ានធ្វើអីគេឡើយ។
សមត្ថកិច្ចជំនាញបានអោយដឹងថា៖សមត្ថកិច្ចជំនាញដែលពាក់ព័ន្ធគ្រប់អង្គភាពក្នុងការបង្ក្រាបបទល្មើស ក៍នៅមិនហ៊ានប្រើប្រាស់វិធីបែបនេះក្នុងការបង្ក្រាបបទល្មើសនៅឡើយទេ ព្រោះវាខុសនឹងច្បាប់ តែសមត្ថកិច្ចបានហួសចិត្តចំពោះអ្នកកាសែតនៅខេត្តកំពង់ឆ្នាំងម្នាក់នោះ ដែលគិតតែពីផលប្រយោជន៍ពួកខ្លួន មិនគិតពីអាយុជីវិតអ្នកដទៃ និងមិនគោរពក្រមសីលធម៌របស់អ្នកសារព័ត៌មានឡើយ៕