សៀមរាប៖មន្ទីរពេទ្យបង្អែកខេត្តសៀមរាប ដែលមាន លោកប៉ែនផល្គុណ ជាប្រធានបានកំពុងតែទទួលរងនូវការិះគន់ជុំទិស ពីប្រជាពលរដ្ឋដែលពួកគាត់បានយកមកង ម៉ូតូ ទៅផ្ញើនៅក្នុងមន្ទីពេទ្យដើម្បីពិនិត្យព្យាបាលជំងឺឬសួសុខទុកបងប្អូន។ ក្រុមប្រជាពលរដ្ឋបាននិយាយថាពួកគាត់ជាពលរដ្ឋក្រីក្រ រស់នៅក្នុងខេត្តសៀមរាប ត្រូវមកព្យាបាលនៅមន្ទីរពេទ្យខេត្តនេះដោយអ្នកខ្លះពិនិត្យជំងឺ ខ្លះមកសួសុខទុកបងប្អូនឯខ្លះទៀតមកបើកថ្នាំដោយមិនហ៊ានទៅរកសេវានៅក្លីនិកឯកជនទេព្រោះសេវាគេយកថ្លៃ។
ក្រុមប្រជាពលរដ្ឋបានបន្ថែមថាកន្លងទៅធ្លាប់លឺប្រមុខរាជរដ្ឋាភិបាលបានប្រកាស់ធ្វើកំណែទម្រង់ស៊ីជម្រៅ ហើយមួយរយះមកនេះនៅតាមផ្សារនាៗពួកគាត់សង្កេតឃើញអាជ្ញាធររួមជាមួយម្ចាស់វិនិយោគផ្សារបានលើកផ្លាកដើម្បីសសេអំពីតម្លៃថ្លៃសេវាយកថ្លៃភាស៊ី តែនៅក្នុងមន្ទីរពេទ្យពួកគាត់មិនបានឃើញគេលើកផ្លាកដើម្បីកំណត់យកថ្លៃផ្ញើកង់នឹងម៉ូតូនោះទេ ហើយពេលពួកគាត់ផ្ញើម៉ូតូ១ថ្ងៃគេយកលុយ១ពាន់រៀលតែបើពួកផ្ញើចាប់ពីព្រឹករូហូតដល់ព្រឹកវិញគេយក២ពាន់រៀល។
ចំណែកកង់វិញបើផ្ញើដូចគ្នាគេយកលុយពី៥រយរៀលទៅ១ពាន់ ហើយពួកសុទ្ធតែជាពលរដ្ឋក្រីក្រ។ យោងតាមប្រភពពីមន្ត្រីពេទ្យបង្អែកខេត្តសៀមរាបបានឲ្យដឹងថានៅកន្លែងទទួលផ្ញើម៉ូតូនិងកង់នោះក្នុង១ថ្ងៃរាប់រយគ្រឿងចេញចូលៗ ហើយការយកលុយដូចបានប្រជាពលរដ្ឋរាយការណ៍នោះគឺជាការពិតមែនប៉ុន្តែលោកប្រធានមន្ទីរគាត់មិនបានយកផ្ទាល់ដៃទេ គឺទៀតសោតមាន អ្នកម៉ៅការបន្តពីលោកប្រធាន ហើយអ្នកម៉ៅការទទួលយកកន្លែងផ្ញើកង់នឹងម៉ូតូនោះ ជាខ្សែរយះរបស់លោកប្រធានតែម្ដង។
ពាក់ករណីនេះលោក ប៉ែនផល្គុណ ប្រធានមន្ទីរពេទ្យបង្អែកខេត្តសៀមរាបបានប្រាប់ឲ្យដឹងនៅតាមទូរស័ព្ទការពីព្រឹកថ្ងៃសុក្រទី១ខែសីហារឆ្នាំ២០១៤នៅម៉ោង០៩និង៥០នាទីថាចំណុចនឹងគឺបានគណះកម្មការបានដេញថ្លៃដូចផ្សារអីចឹង ចាំលោកប្រជុំថ្នាក់ខេត្តសិន ពេលនេះលោកកំពុងតែជាប់រវល់។ ដោយឡែក លោកសូប្លាតុងអភិបាលក្រុងសៀមរាបបានឲ្យដឹថានៅព្រឹកថ្ងៃសុក្រនេះថារឿងលើកផ្លាកដើម្បីកំណត់ថ្លៃសេវាយកលុយពីអ្នកផ្ញើកង់ម៉ូតូគឺជាគោលការណ៍ខាងអាជ្ញាធរក្រុងមានគម្រោងរួចហើយ គឺនៅកន្លែងណាមានផ្ញើកង់ ម៉ូតូគឺត្រូវលើកផ្លាកសសេតារាងតម្លៃទាំងអស់ រួមទាំងសាលារៀនផងដែរ។
មន្ទីរពេទ្យបង្អែកខេត្តសៀមរាបដែលគ្រប់គ្រងមើលការខុសត្រូវដោយលោក ប៉ែនផល្គុណ ជាប្រធានបានទទួលនូវការិះគន់យ៉ាងខ្លាំងពីប្រជាពលរដ្ឋដែលសុទ្ធតែជាពលរដ្ឋក្រីក្រ ក្នុងនោះដែរប្រជាពលរដ្ឋក៍បានបង្ហើបបន្ថែមថា នៅក្នុងមន្ទីរពេទ្យគេសសេអក្សនៅតាមជញ្ជាំងថាប្រជាពលរដ្ឋក្រីក្រ ព្រះសង្ស មន្ត្រីយោធានិងផ្សេងៗគេមិនឲ្យបង់លុយថ្លៃពិនិត្យជំងឺនោះទេ តែនៅក្នុងមន្ទីរពេលដែលគ្រប់គ្រងដោយលោកប៉ែនផល្គុណបានយកលុយមិនជន្លោះមនុស្ស ហើយសេវាមានការយឺតយាវទៀតផង។ដូច្នេះមានតែលោករដ្ឋមន្ត្រីក្រសួងសុខាភិបាលទេដែលហ៊ានវះសាច់ស្អុយនេះចេញ។
