កំពង់ធំ៖ដីតំបន់២និងតំបន់៣ជាដីមានទំនាស់ជាយូរយ៉ាណាស់មកហើយបានធ្វើអោយប្រជាពលរដ្នរស់នៅតំបន់នេះ មានការភិតភ័យដោយសារតែភាពមិនច្បាស់លាស់រវាងដីអាស្រ័យផលស្រែប្រាំងនិងតំបន់ព្រៃលិចទឹកដែលអាជ្ញាធរតែងតែការពារអភិរក្ស ការចុះដោះស្រាយ
និងប្រកាសនេះមានការចូលរួមពីរ ឯកឧត្តម សុកផេង រដ្នលេខាធិការ ទីស្ដីការគណះរដ្នមន្ដ្រី និងជាអនុប្រធានការងារចុះជួយមូលដ្ឋានខេត្តកំពង់ធំ ឯកឧត្តម ឡុងផល អនុរដ្នលេខាធិការក្រសួងមហាផ្ទៃនិងជាប្រធានក្រុមការងារថ្នាក់ជាតិចុះជួយមូលដ្ឋានស្រុកស្ទោង ព្រមទាំងអភិបាលរងស្រុក អាជ្ញាមូលដ្នាន និងប្រជាពលរដ្នចូលរួមជាង៥០០នាក់ កាលពីរព្រឹកថ្ងៃ ទី៥ ខែ សីហា ឆ្នាំ២០១៤នៅក្នុងបរិវេន្ដវត្ត ព្រះនង្គ័ល ។បន្ទាប់ពីលោក សាយគឹមឡម បានអានសន្ទរកថារួចមក
ឯកឧត្តម ឡុងផល បានអានសេចក្ដីប្រកាសស្ដីពីលទ្ធផលនៃកិច្ចប្រជុំស្ដីពីបញ្ហាតំបន់៣ជុំវិញបឹងទន្លេសាបក្នុងភូមិសាស្ដ្រខេត្តកំពង់ធំ យោងតាមលិខិតលេខ១០៤៤សជណ ចុះថ្ងៃទី២២ ខែកក្កដាឆ្នាំ២០១៤និងយោងតាមចំណាររបស់ សម្ដេចអគ្គមហាសេនាបតីតេជោនាយករដ្នមន្ដ្រីចុះថ្ងៃទី១៧ខែកក្កដាឆ្នាំ២០១៤ ដោយរាជរដ្នាភិបាលបានឯកភាពលើកិច្ចប្រជុំ ស្ដីពីបញ្ហាដីតំបន់៣ជុំវិញទន្លេសាបក្នុងភូមិសាស្ដ្រខេត្តកំពង់ធំដូចខាងក្រោម=
១, ការដោះស្រាយដីបង្កបង្កើនផលនៅតំបន់៣ជូនប្រជាជនឈរលើឯកសារលិខិតបទដ្ឋានគតិយុត្តិនិងបទបញ្ចារបស់រាជរដ្នាភិបាលក្នុងនោះផ្ដល់ដីស្រែតំបន់៣ជូនប្រជាពលរដ្នត្រូវពិនិត្យអោយបានហ្មត់ចត់គឺជាដីអាស្រ័យផលពិតប្រាកដ ហើយប្រជាពលរដ្ននៅទីនោះមានការទទួលស្គាល់ពីរអាជ្ញាធរភូមិ ឃុំ ។ដីធ្វើស្រែនៅក្នុងតំបន់៣ដែលបានឃ្វៀលជូនប្រជាពលរដ្នមិនមែនជាដីកម្មសិទ្ធទេ តែប្រជាជនអាចមានសិទ្ធិកាន់កាប់អាស្រ័យផលតែមិនមានសិទ្ធិចាត់ចែង។ ២, រាល់ការស្នើរសុំដី ឬឃ្វៀលដីអាស្រ័យផលជូនប្រជាជនត្រូវមានផែនទីបញ្ចាក់ទីតាំងនិងនិយាមកាច្បាស់លាស់។ ៣, ពង្រឹងការអនុវត្តន៍អោយបានហ្មត់ចត់នូវចំណាររបស់សម្ដេចតេជោនាយករដ្នមន្ដ្រី ចុះថ្ងៃទី១៦ ខែមិនាឆ្នាំ២០១២លើសំណើររបស់ក្រសួងធនធានទឹកនិងឧតុនិយម ចុះថ្ងៃទី៩ខែមិនាឆ្នាំ២០១២ក្នុងការបែងចែកដីជូនប្រជាពលរដ្ន៤០០៤គ្រួសារ នៅក្នុងឃុំ៦ ស្រុកស្ទោងខេត្តកំពង់ធំ។៤, រាល់ដីបង្កបង្កើនផលនៅក្នុងតំបន់៣ ដែលជាការវិនិយោគធ្វើអាជីវកម្ម មិនត្រូវអនុញាតអោយធ្វើអាជីវកម្មទេ ហើយការអនុវត្តន៍ខ្លឹមសារនេះនិងត្រូវអនុវត្តន៍ដូចបណ្ដាខេត្តដែលពាក់ព័ន្ធនានាជុំវិញបឹងទន្លេសាប គឺមាន ខេត្តកំពង់ឆ្នាំង ពោធិសាត់ បាត់ដំបង បន្ទាយមានជ័យ សៀមរាប កំពង់ធំ។៥, ត្រូវបង្កើតក្រុមការងារបច្ចេកទេសមួយដែលដឹកនាំដោយអាជ្ញាធរទន្លេសាប និងមានសមាសភាពមកពីរក្រសួងពាក់ព័ន្ធ សហការជាមួយក្រុមការងារថ្នាក់ជាតិចុះមូលដ្ឋានខេត្តកំពង់ធំនិងគណះបញ្ចាការឯកភាព ខេត្តស្រុកដើម្បីចុះសិក្សាត្រូវត្រួតពិនិត្យអោយបានច្បាស់លាស់ក្នុងការឃ្វៀលនិងបែងចែកដីអាស្រ័យផលតំបន់៣ជូនប្រជាពលរដ្ននៅក្នុងភូមិឃុំដែលពាក់ព័ន្ធ និងធ្វើរបាយការណ៍ជូនក្រុមប្រឹក្សាស្ដារអភិវឌ្ឃន៍វិស័យកសិកម្មនិងជនបទដើម្បីលើកសំណើរជូនសម្ដេចតេជោនាយករដ្នមន្ដ្រីពិនិត្យសំរេច។៦, ដីនៅតំបន់២អាចធ្វើស្រែបង្កបង្កើនផលបាន តែបើមានព្រៃលិចទឹកនៅតំបន់២ ប្រជាពលរដ្នត្រូវចេះថែរក្សាទុក ដោយឡែកប្រសិនមានការសាងទំនប់ប្រឡាយ សហគមន៍និងអាជ្ញាធរមូលដ្ឋានត្រូវស្នើរសុំការអនុញាតិពីរក្រសួងធនធានទឹកនិងឧតុនិយមជាមុន។៧, ក្រសួងធនធានទឹកនិងឧតុនិយមត្រូវរៀបចំបោះបង្គោលកំណត់តំបន់៣អោយបានញឹកបន្តិចអាចឃ្លាតពីរបង្គោលនីមួយៗប្រវែង៥០០ម៉ែត្រដើម្បីអោយប្រជាជនងាយយល់ដឹងពីព្រំប្រទល់តំបន់២និងតំបន់៣ ។
ឯកឧត្តម សុកផេង បានបញ្ចាក់បន្ថែមពីសេចក្ដីប្រកាសនិងដោះស្រាយបញ្ហាផ្សេងៗដែលប្រជាពលរដ្នបានសួរសំនួរទាក់ទងនិងបញ្ហាដីនៅតំបន់២និងតំបន់៣នេះ =១, ដីតំបន់២អាចធ្វើស្រែបានដូចតំបន់៣ ២, ជួយថែរក្សាទុកព្រៃលិចទឹកក្នុងតំបន់២និងតំបន់៣បើមាន ៣,មិនអនុញាតិអោយឈ្មួញ ឬក្រុមហ៊ុនណាចូលទៅអភិវឌ្ឍន៍ឬវិនិយោគនៅតំបន់៣ឡើយបើសិនជាមានត្រូវទទួលខុសត្រូវមុខច្បាប់រួមទាំងអាជ្ញាធរដែលពាក់ព័ន្ធ,៤,ឈ្មួញ ,ក្រុមហ៊ុន,អ្នកវិនិយោគគ្មានសិទ្ធិកាន់កាប់នៅក្នុងតំបន់៣នោះទេគឺមានតែប្រជាជនទើបមានសិទ្ធិទទួលអាស្រ័យផលនៅទីនោះ តែគ្មានសិទ្ធលក់ដូរដាច់ខាត៥, ចាប់ពីពេលនេះទៅគ្មានការចាប់ចង ឬដាក់ទោសដល់ប្រជាពលរដ្នទៀតទេ ក្នុងនោះដែរប្រជាពលរដ្នក៏សំដែងសេចក្ដីត្រេកអរជាពន្ធពេកនិងបានថ្លែងអំណរគុណដល់ ឯកឧត្តម ជាពិសេសសម្ដេចអគ្គសេនាបតីតេជោហ៊ុនសែន នាយករដ្នមន្ដ្រីដែលបានជួយដោះស្រាយដីតំបន់២និងតំបន់៣ ជូនប្រជាពលរដ្នក្នុងស្រុកស្ទោងក៏ដោយជាប្រជាពលរដ្ននៅតាមខេត្តផ្សេងៗទៀតក្នុងប្រទេសកម្ពុជា៕