ក្លិបកាំភ្លើងធំ Arsenal (អាសេណល) ត្រូវបានគេរាយការណ៍ថា កំពុងតែមានចំណាប់អារម្មណ៍លើការទិញយក ខ្សែការពាររបស់ក្លិប Borussia Dortmund (បូរូសៀ ដតម៉ាន់) គឺកីឡាករ Mats Hummels (ម៉ាត់ ហាំម៉េល) ។ កីឡាករសញ្ជាតិអាល្លឺម៉ង់រូបនេះបានបង្ហាញពីទម្រង់លេងយ៉ាងល្អសម្រាប់ការប្រកួតពានរង្វាន់ World Cup នៅប្រទេសប្រេស៊ីលដោយបានជួយឲ្យជម្រើសជាតិរបស់ខ្លួនគ្រងជើងឯកពិភពលោកផងដែរ ។
ទន្ទឹមជាមួយគ្នានោះ Hummels (ហាំម៉េល) ក៏មានទំនាក់ទំនងជាមួយនឹងការផ្លាស់ទៅកាន់ក្លិបបិសាចក្រហម Manchester United (មេនឆេស្ទើ យូណាយធីដ) ផងដែរប៉ុន្តែបើយោងតាមគេហទំព័រ Daily Mail (ដេលលី ម៉េល) បានរាយការណ៍ថា Manchester United នៅមិនទាន់យល់ព្រមចំពោះតម្លៃខ្លួនរបស់រូបគេនោះទេជាហេតុធ្វើឲ្យ Arsenal កំពុងមានក្តីសង្ឃឹម ។ គួរបញ្ជាក់ថា Hummels (ហាំម៉េល) បានផ្លាស់មកកាន់ក្លិប Dortmund (ដតម៉ាន់) ក្រោយចាកចេញពី Bayern Munich (បាយើន មូនិច) ក្នុងឆ្នាំ ២០០៩ ៕