អាល្លឺម៉ង់៖ក្រុមសន្តិសុខនៅឯព្រលានយន្តហោះ Frankfurtប្រទេសអាល្លឺម៉ង់បាននាំគ្នាធ្វើកូដកម្មកាលពីថ្ងៃសុក្រ ម្សិលមិញ ជាហេតុបង្កឱ្យមានការលប់ចោលជើងហោះហើរជាច្រើនវេន ក៏ដូចជាបណ្ដាលឱ្យមានកកស្ទះដល់ អ្នកដំណើរដែលចង់ឆ្លងកាត់អឺរ៉ុប ។ ក្រុមសហជីពបានអំពាវនាវឱ្យបុគ្គលិកដែលជួលដោយក្រុមហ៊ុនឯកជនក្រោមស្លាកយីហោ BDSW ចួលរួមធ្វើកូដកម្មចាប់ពីវេលាម៉ោង១រសៀលរហូតដល់ម៉ោង២២ល្ងាច ដើម្បីទាមទារឱ្យមានការដំឡើងប្រាក់ បៀវត្សន៍ខ្ពស់ជាងនេះ ។
ក្រុមសហជីពបានទាមទារឱ្យមានអត្រាចំណាយប្រចាំម៉ោង១៦អឺរ៉ូសម្រាប់បុគ្គលិកសន្តិសុខទាំងអស់នៅទូទាំងរដ្ឋ Hesseដែលគេអះអាងថាពួកគេទទួលបានចន្លោះពី១០ទៅ១៣អឺរ៉ូប៉ុណ្ណោះលោកអៃម៉ាន់ អ៊ីស្ទេបស្គី សន្តិសុខដែលបានចូលរួមនៅក្នុងកូដកម្មនេះ បានឱ្យដឹងថា ក្រុមនិយោជិក លោកទាំងអស់ចង់បានការផ្តល់ជូនប្រាក់បៀវត្សន៍ដ៏សមរម្យមួយដែលពួលលោកអាចទទួលយកបាន។
លោក បានបន្តទៀតថា លោកគិតថាថ្លៃឈ្នួលដែលទទួលបាននៅអាកាសយានដ្ឋាន Frankfurt មិនអាចប្រៀប ធ្រៀបនឹងតម្លៃឈ្នូលដែលគេទទួលបាននៅព្រលានយន្តហោះឯទៀតឡើយ ដូចជានៅអាកាសយន្តដ្ឋាន ក្រុងប៊ែកឡាំង និងហ៊ែមប៊ើកជាដើម ។ ដោយឡែកលោកផោលវែល ជែនខូស្គី ដែលជាអ្នកដំណើរដាណឺម៉ាកឆ្លងកាត់ព្រលានយន្តហោះនេះ បានឱ្យដឹងដែរថា លោកមានក្តីបារម្ភយ៉ាងខ្លាំងចំពោះស្ថានការកើតឡើងនៅអាកាសយាន្តដ្ឋាន Frankfurt ហើយលោកមិនដឹងទេថាថ្មើរម៉ានទើបអាចទៅដល់ផ្ទះបាននោះទេ។
