ចិន៖រដ្ឋមន្ត្រីការបរទេសបារាំងលោកឡូរ៉ង់ ហ្វាប៊ីយើស (Laurent Fabius)បានចូលជួបសម្ដែងគួរសមជាមួយប្រធានាធិបតីចិនលោកហ្ស៊ី ជីនពីង កាលពីថ្ងៃសុក្រម្សិលមិញនេះនៅទីក្រុងប៉េកាំងក្នុងដំណើរ ទស្សនកិច្ចដើម្បីរឹត បន្តឹងទំនាក់ទំនងជាមួយប្រទេសមហាអំណាចសេដ្ឋកិច្ចទី២ពិភពលោកមួយនេះ ។
អ្នកទាំងពីរបានចាប់ដៃគ្នានៅឯវិមានប្រជាជនមុនពេលអង្គុយចរចា ដោយមានវត្តមានដ៏ខ្ពង់ខ្ពស់ របស់គណៈប្រតិភូមកពីប្រទេសទាំងពីរ ។ នៅថ្ងៃដដែលនោះ លោកឡូរ៉ង់គ្រោងនឹងជួបសំណេះសំណាលសមភាគីចិនលោកវ៉ាង យី ផងដែរ ។
គួរឲ្យដឹងថា ប្រទេសចិន និងបារាំង នឹងប្រារឰទិវាទំនាក់ទំនងការទូតលើកទី៥០នៅក្នុងឆ្នាំនេះ ពោលគឺចាប់តាំងពីសាធារណរដ្ឋប្រជានាមិត្តចិនត្រូវបានបង្កើតឡើង។