កំពង់ចាម : ឯកឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណៈកម្មាធិការគណបក្សប្រជាជនកម្ពុជា ខេត្តកំពង់ចាម និងឯកឧត្ដម ខ្លូត ផន អនុប្រធានគណៈប្រចាំការ គណបក្សខេត្ត នាព្រឹក ថ្ងៃទី ២០ ខែសីហា ឆ្នាំ ២០២១ នេះ បានប្រកាសតែតាំង លោក សម ពិសិដ្ឋ ជាប្រធានគណៈកម្មាធិការគណបក្សប្រជាជន ស្រុកចំការលើ ក្រោម វត្តមាន ឯកឧត្តម ហ៊ុន ម៉ានិត ប្រធានក្រុមការងារថ្នាក់កណ្ដាលចុះជួយស្រុកចំការលើ ដោយមានការចូលរួមពី លោក លោកស្រី សមាជិក សមាជិកា គណបក្សប្រជាជនកម្ពុជា ជាច្រើនរូបផងដែរ ។
បន្ទាប់ពីទទួលការតែងតាំងនេះ លោក សម ពិសិដ្ឋ ប្រធាន គណបក្សប្រជាជន កម្ពុជា ស្រុកចំការលើ បានឡើងធ្វើការថ្លែង អំណរគុណចំពោះ ឯកឧត្ដម អ៊ុន ចាន់ដា ប្រធានគណៈកម្មាធិការគណបក្សប្រជាជនកម្ពុជា ខេត្តកំពង់ចាម និង ឯកឧត្តម ហ៊ុន ម៉ានិត ប្រធានក្រុមការងារថ្នាក់កណ្ដាលចុះជួយស្រុកចំការលើ ជាពិសេស សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ដែលបានផ្តល់នូវជំនឿទុកចិត្តលេីរូបលោក ឲ្យទទួលមុខតំណែងជា ប្រធានគណបក្ស ប្រជាជន កម្ពុជា ស្រុកចំការលើ ហើយលោក ក៏ បានធ្វើការប្តេជ្ញាចិត្តថា នឹង អនុវត្តឲ្យបានខ្ជាប់ខ្ជួនតាមលក្ខន្តិកៈ និងបទបញ្ជាផ្ទៃក្នុងគណបក្ស សំដៅពង្រឹងធ្លុងសាមគ្គីភាព ឯកភាពផ្ទៃក្នុងគណបក្ស ឲ្យកាន់តែរឹងមាំ ទាំងខាងនយោបាយ សតិអារម្មណ៍ និងចាត់តាំង ដោយឈរលើគោលការណ៍ សមូហភាពដឹកនាំ បុគ្គលទទួលខុសត្រូវ ដើម្បីឈានឆ្ពោះទៅដណ្តើមជ័យជំនះគ្រប់ការបោះឆ្នោតជាបន្តបន្ទាប់។
ឯកឧត្តម អ៊ុន ចាន់ដា បាន ថ្លែង ណែនាំដល់អាជ្ញាធរ ស្រុក ចំការលេី ត្រូវយកចិតទុកដាក់ខ្ព ល់ លើផ្នែកសន្តិសុខសណ្តាប់ធ្នាប់សាធារណៈ បន្តរួមគ្នាអនុវត្តគោលនយោបាយភូមិយុំមានសុវត្ថិភាព អប់រំផ្សព្វផ្សាយច្បាប់ចរាចរផ្លូវគោក លប់បំបាត់ល្បែងសីសង និងគ្រឿងញៀន ជាពិសេស ត្រូវ ផ្សព្វផ្សាយ ឲ្យ មាន ការ អនុវត្ត វិធានការ ៣ការពារ ៣កុំ ដេីម្បី ជៀសផុត ពី ការ ឆ្លង រីករាល ដាល នៃ ជំងឺ កូវីដ -១៩ លេីសពី នោះ ត្រូវ បន្តការលើកកម្ពស់ការផ្តល់សេវាសាធារណៈ ជូនប្រជាពលរដ្ឋ ប្រកបដោយគណនេយ្យភាព តម្លាភាព គ្មានអំពើរពុករលួយ រួមទាំង រហ័សទាន់ចិត ដើម្បីបង្កើន ភាពជឿជាក់ លើការដឹកនាំរបស់រាជរដ្ឋាភបាលដែលមានសម្តេចអគ្គមហាសេនាបតីតេជោ ហ៊ុន សែនជានាយករដ្ឋមន្ត្រី បានដឹកនាំប្រទេសមានសុខសន្តិភាព និងការអភិវឌ្ឍលើគ្រប់វិស័យ ធ្វើ ឲ្យ ជីវភាព ប្រជាពលរដ្ឋ មានការរីកចម្រើនជាលំដាប់ ផងដែរ ៕
